कञ्चनपुरके बेलौरी नगरपालिका वडा न ४ शान्तिपुरम रहल श्री उग्रतारा बाल विद्यालय दश्या, देवारी, छठ पर्वके अवसरम शुभकामना आदान प्रदान कार्यक्रम कर्ल रलह।
बिहिवार , बेलौरी नगरपालिकाम रहल श्री उग्रतारा बाल विद्यालयम बड्का दश्या, शुभ देवारी,व छ्ठ पर्व व नेपाल सम्बतके उपलक्ष्यम शुभकामना आदान प्रदान कार्यक्रम ओराइल रह।
कार्यक्रमम श्री उग्रतारा बाल विद्यालयके प्रधानाध्यापक केशव सिंह विष्टके सभापतित्वम प्रमुख अतिथि बौद्धिक शिक्षाके धरोहर व्यक्तित्व प्रेम सिंह बोहरा,अतिथिम बिरेन्द्र सिंह भण्डारी,टेक राज अवस्थी, बेलौरी नगरपालिका शिक्षा शाखाके प्रमुख अमित प्रसाद भट्ट ,प्रेम बहादुर थापा,बेलौरी खेलकुद विकास समितिके अध्यक्ष रामेश्वर न्योपाने, जिल्ला खेलकुद विकास समिति अध्यक्ष एन.प्यावसन जिल्ला कार्य समितिके सचिव कुबेर खड्का,चुडामणी कलौनी शिक्षक व विद्यार्थीहुकने सहभागी फेन ढिउर रह।
प्रधानाध्यापक केशव सिंह विष्टके अनुसार हम्र यी विद्यालयम बड्का दश्या,शुभ देवारी व छ्ठ नेपाल सन्बतके उपलक्ष्यम शुभकामना आदान प्रदान कार्यक्रम कर्लक पहिलो हुइलक बटिल कल हम्र कौनो जहन पच्यपात नि कैक सामुदायिक विद्यालयके व बिर्डिग स्कुलके हेड सरहुकन यी कार्यक्रमहन सफल बनाईक लाग निमन्त्रणा देहल रलही।तब फेन कार्यक्रमम सरहुकनके उपस्थिति मजा हुइल रह मही खुशी लागल अत्रके नि होक आगामी दिनम अस्तह कार्यक्रम भव्य व सभ्य रुपम मनैबी कति आपन व्यक्तिगत व स्कुलके ओहरसे शुभकामना देहल रलह।
शिक्षाके बौद्धिक व्यक्तित्व प्रेम सिंह बोहरा कल"विद्यार्थीहुकनम रना बानी व्यवहार असिन हुइ पर्ना जरुरी बा कौव्वा जस्त चेस्ता, कुक्रा जस्ता निइद हुइना जस्तके काहावत बताके विद्यार्थीहुकन ज्ञान मुलक किसिमके बहुत बाट बटुवाइल रलह। मजा चिजहन लेना कराब सब्दहन दिमागम से हटादेना ओर आजकाल प्राइभेट बोर्डिङ स्कुल बहुत खुलल बा उ फेन फाइदाके बिषय हो काजे कि बहुत मनैइ रोजगारी पैल बाट कल फुलको आँखा फुलै संसार काडाको आखै काडै संसार आदर्शके बाट्चित कर्ती शुभकामना देती आपन बाट धर्ल रलह।
बेलौरी खेलकुद समितिके अध्यक्ष रामेश्वर न्योपाने कल" जौन यी विद्यालय कार्यक्रम धरल ओकर लाग धिउर से ढिउर धन्यवाद देहल रलह।आगामी दिनम फेन अस्तह कार्यक्रम धर्ती जाय सक्कु नेपालीहुक्र यह बर्का दश्या मजासे मनैबी कति सक्कुनके घरम सुख शान्ती , समृद्धि उत्तरो उत्तर प्रगतिके हार्दिक शुभकामना व्यक्त कर्ल रलह।
भण्डारीके अनुसार देशके विषम प्रस्थितिम फेन असिन कार्यक्रम धरल सब्से पहिल त उग्रतारा बाल विद्यालयहन बहुत बहुत धन्यवाद देहल रलह।आपन बच्चन पहड्क केल नि हुइ आपन बच्चाहुकन रितिरीवाज, सस्कृतिक,सस्कार फेन सिखाइ पर्ना यकदम जरुरी बा कति नेपालम हुइलक विषम परिस्थिति यी दश्याम से देशम शान्तीसे छावस कति आपन व्यक्तिगत व आपन विद्यालय परिवारके तर्फसे शुभकामना देहल रलह।
