कञ्चनपुर, बेलौरी नगरपालिकाके न्यायिक समितिके आयोजनामा न्यायाम सहज पहुँच सुनिश्चित कर्ना कानुनी शिक्षा सचेतना कार्यक्रम ओराइल बा।
मंगलबार ,बेलौरी नगरपालिका न्यायिक समितिके आयोजनामा " विवादको साटो मेलमिलापको बाटो" कनामुल नाराके साथ न्यायम सहज पहुँच सुनिश्चित कर्ना कानुनी शिक्षाके कार्यक्रम ओराइल रह।
कार्यक्रममा बेलौरी नगरपालिका न्यायिक समितिके संयोजक नगर उप-प्रमुख जोगराम चौधरीके सभापतित्वमा बर्का पाहुना बेलौरी नगरपालिकाके निमित्त प्रशासकीय अधिकृत झपीराज ओझा, बेलौरी नगरपालिका महिला विकास शाखाके प्रमुख बिमला बजगाई, खास पाहुना बेलौरी नगरपालिकाके न्यायक समितिके सदस्य आरती चौधरी, शिवराज राना अष्टक हिंसा प्रभावित पुरुष, महिला, विपन्न गरिब ज्यालादार हुकनके ढिउर से ढिउर उपस्थिति रह।
कार्यक्रमके प्रशिक्षक अधिवक्ता आरती खड्का एकदम मजासे बुझाक प्रशिक्षक देहल रलह।
नगर उप-प्रमुख जोगराम चौधरीके काहाई अनुसार बेलौरी क्षेत्रभित्रम रहल महिला, पुरुष हिंसामा परलक विभिन्न किसिमके नियम कानुन सम्बन्धी शिक्षा देहपर्ना जरुरी हुईलक ओहरसे नगरपालिका न्यायक समितिके आयोजनामा कानुन सम्बन्धि सचेतना कार्यक्रम धर्गिलक हो। अत्रकेल नीहोक हिंसा कलक का हो बलात्कार कलक का हो कना नियम कानुन सम्बन्धी ज्ञान निहुइलक ओहरसे समाजम शान्ती कायम समाजम हिन्सात्मक गतिविधि ना होय कैक असिन कार्यक्रमके आयोजना कर्गिल हो।
बेलौरी नगरपालिकाके निमित्त प्रशासकीय अधिकृत झपीराजओझाके काहाई अनुसार खास कैक त लैङ्गिक हिंसा प्रभावित पुरुष, महिला, विपन्न गरिब,जेलादार परिवारमा असिम समस्या देखा परठ तब मार बेलौरी नगरपालिकासे ढिउर से ढिउर जनचेतनामूलक कार्यक्रम देती आईल बा।समाजम अपराधके न्यूनीकरण सहज हुइ,समाजहन शान्ती सुरक्षा कायम हुइ , पीडित परिवारहुकन कानुनम सहज पहुँचके फेन सुनिश्चित कायम हुहिन,असल समाज निर्माण कर्ना सहयोग पुगहिन कना उद्देश्यके साथ बेलौरी नगरपालिका आघ बहड्लक हो।
कार्यक्रम बेलौरी नगरपालिका वडा नम्बर १ से वडा नम्बर १० के महिला हुकनके सहभागिता रह। ओर सञ्चालन नगरपालिका उजुरी प्रशासक शाखाके प्रमुख विनोद चौधरी कर्ल रलह।
