कञ्चनपुरके झलारीम संचालन हुइलक तेस्रो शुक्लाफाँटा कृषि पर्यटन साँस्कृतिक तथा औद्योगिक व्यापार मेलाम लोक देउडा गायिका ईस्बल सञ्जाल दर्शक तथा आयोजकहन नचैल बाटी।
महोत्सव शुरु हुइलक तेस्रो दिन बिहीबार मुख्य कालाकार रलक ईस्बल दर्शक व आयोजकहुकन नचाइल रलही।
ईस्बल प्रस्तुत कर्लक लोक तथा देउडा गितम दर्शक एव पहुना दिर्घाम रहलक आयोजकहुकन नचाईल रलही। सक्कुनसे ढिउर चल गोबिन्दी, मोहनी लगायो झुम्की बुलाकीले, खबरै ल्याएर गाँउके हुलाकीले, गितम दर्शक व आयोजक रमैती देउडा खेलल रलह। ढिउर से ढिउर दर्शकके सहभागिता नि हुइलसे ईस्बलके प्रस्तुती आक दर्शक झुमल रलह। लोक दोहोरी, देउडा गित आक पश्चिम नेपालके मौलिक संस्कृति सरक्षणम प्रभावकारी भूमिका निर्वाह कर्ल ईस्बल झत्त समयम संगिक क्षेत्रम क्रान्तिकारी छर्लाङ पर्ल रलह। राष्ट्रिय लोक तथा दोहोरी गित प्रतिष्ठान नेपाल कालिकोटके अध्यक्ष समेत रहलक सञ्जाल युवा कालाकार स्वदेश तथा विदेशम समेत धमाकेदार प्रस्तुती कर्ती आइल बटी।
झलारी उद्योग वाणिज्य संघके अध्यक्ष धिरेन्द्र साउद महोत्सवम स्थानीय बस्तु तथा सेवाके प्रर्बद्धन सहित पश्चिम नेपालके मौलिक लोक संस्कृति सरक्षणके लाग स्थानीयसे राष्ट्रिय कालाकारके सद्द साँस्कृतिक कार्यक्रम संचालन हुइलक महोत्सव अवलोकनके लाग आब्हान कर्ल बाट।
