कञ्चनपुरके बेलौरी नगरपालिका वडा नम्बर ५ बन्तरियाम रहल श्री पुष्पलाल स्मृति सामुदायिक वनके २१औं वार्षिक साधारण सभा ओराइल बा।
शुक्रबार,बेलौरी नगरपालिका वडा नम्बर ५ बन्तरियाम रहल श्री पुष्पलाल स्मृति सामुदायिक वनके २१ औं वार्षिक साधारण सभा ओराइल रह।
कार्यक्रमम पुष्पलाल स्मृति सामुदायिक वनके अध्यक्ष बिन्तु राम चौधरीके सभापतित्वम बर्का पहुना बेलौरी नगरपालिकाके नगरप्रमुख पोतीलाल चौधरी,खास पहुनाहुक्र बेलौरी नगरपालिका वडा नम्बर ५ के वडाध्यक्ष लालबहादुर चौधरी, कुण्डा सब वन डिभिजन कार्यालयके प्रमुख दिनेश कुमार यादव, सामुदायिक वनके पदाधिकारीहुक्र भलमन्साहुक्र, स्थानीय समाजसेवी बुद्धिजीवी हुकनके उपस्थिति रह।
वडा अध्यक्ष लाल बहादुर चौधरी कल" वनके पहिलक अवस्थासे आबक अवस्था बहुत फरक हुइल बा। पहिल बन्वम चोरी तस्करी ज्यादा होय कलसे अब चाहिँ बन्वाके अवस्था ओसिन चोरी, तस्करी, सिकार खेल्ना नियन्त्रण हुइल बा। बन्वाके समितिके पदाधिकारीहुक्र बन्वाहन हराभरा बनैनाम रातदिन खत्क यहासम्म पुगिलक ओहरसे विशेष धन्यवाद देह चाहतु।
कुण्डा सब वन डिभिजन कार्यालयके प्रमुख दिनेश कुमार यादव कल" हरियो वन नेपालको धन काना मूल नारा के साथ बन्वाके संरक्षण कर्ना अति नै जरुरी बा। काजे कि बन्वा मसे मनैनहन सफा स्वच्छ अक्सिजन लेह मिलत अत्रकेल नि होक बन्वमसे बहुत किसिमके जडीबुती फेन मिलत यदि बन्वा नै रहि त मनैन फेन बच्ना गार्ओ रहि तब्ब ओहरसे बन्वाहन बचाइक लाक लागल समितिहुकन बहुत धन्यवाद देती।जंगली हात्तीहन देख्बो त ना जिस्किहो ओर सकभर बन्वमन अकल्य दुकल्य ना नेगहो कना सदेश व शुभकामना देहल रलह।
सभा अध्यक्ष बिन्तु राम चौधरी कल" २१ औं वार्षिक साधारण सभा कर्नाके उद्देश्य काहो कलसे वर्षभर कर्गिलक काम काजके प्रतिवेदन सुनैना एकदम जरुरी रहत।काजे कि मजा नि मजा काम हुइ स्याकत सच्चिना दिन वार्षिक साधारण सभा धर्जाइत स्याकत सम हम्र आपन कर पर्ना जिम्मेवारीम अहोरात्र खतल बाती।अम्ह बहुत काम कर्ना बाकी नै बा हम्र लगलै बती।अत्रकेल नि होक गरिब अपाङ्ग हुइल मनैन वितरण कर्ली व सामुदायिक स्कुलके विद्यार्थीहुकन कपी, द्त्पेन फेन देहल रलही।ओर नाचगानके साथ भव्य व सव्य रुपसे कार्यक्रम ओराल रह।
कार्यक्रमके सञ्चालन पुष्पलाल स्मृति सामुदायिक वन उपभोक्ता समूहके सल्लाहकार कृष्ण गम्वा यकदम मजासे कर्ल रलह।
चौधरी खबर
