अनलाईन टिभी पत्रकार संघ कञ्चनपुरके अध्यक्षम प्रकास भट्ट निर्वाचित हुइल बाट।
शनिबार बेलौरीम ओरिलक अनलाईन टिभी पत्रकार संघ कञ्चनपुरके प्रथम जिल्ला अधिवेशनसे अध्यक्षम भट्ट निर्वाचित हुइल रह।
निर्वाचन अधिकृत अशोक पाण्डेय अध्यक्ष, सचिवम निर्वाचन व बाँकी पदम निर्बिरोध पदाधिकारी चयन हुइल बटाइल रलह।
पाण्डेयके अनुसार अध्यक्ष पदके उम्मेवार प्रकास भट्ट आपन प्रतिस्पर्धी सुरज श्रेष्ठहन १० मतके अन्तरसे हरैती अध्यक्षम निर्वाचित हुइल रलह। भट्ट १७ व श्रेष्ठ ७ मत केल लानल रलह।
सचिवम सन्तोष धानुक निर्वाचित हुइल बाट। धानुक आपन निकटकतम प्रतिस्पर्धी केशव भट्टहन ७ मतके अन्तरसे हरैती सचिवम निर्वाचित हुइल बाट। धानुक १७ भट्ट ७ मत लानल रलह।
अस्तकह उपाध्यक्ष लाल बहादुर सार्की, सहसचिव दिनेश चौधरी, कोषाध्यक्षम सरिता चौधरी, सदस्य केशव भट्टराई, पवन जोशी, महेन्द्र सिंह भाट, रुपेश विक निर्बिरोध निर्वाचित हुइलक निर्वाचन मण्डल जनाइल रह।
निर्वाचन अधिकृत पाण्डेय कुल २७ मतदाता मध्ये २४ मत खसल बटिल। अनलाईन टिभी पत्रकार संघ कञ्चनपुरके अध्यक्षम निर्वाचित हुइलक युवा पत्रकार भट्ट जिल्लाके अनलाईन पत्रकारके हकअधिकारके लाग कामकाज कर्ना विश्वास व्यक्त कर्ल रलह।
सुदूरपश्चिम प्रदेश सभा सदस्य माननीय दिवान सिह विष्ट, बेलौरी नगरके मेयर पोतीलाल चौधरी, उपमेयर जोगराम चौधरी, बेलौरी ४ का वडाध्यक्ष अर्जुन ढकाल अनलाईन पत्रकारहुकनके निष्पक्ष, स्वतन्त्र, राजनैतिक बिना पूर्वाग्रही, सत्य तथ्यके आधारम समाचार प्रकासित कर पर्ना बटिल।
कार्यक्रमम सुदूरपश्चिम प्रदेश अनलाइन सञ्चार माध्यमके क्रियाशील पत्रकार, स्थानीय जनप्रतिनिधि, सुरक्षाकर्मी लगायत सराेकारवालाहुकनके फेन सहभागीता रह।
