कञ्चनपुरके लालझाडी गाउँपालिका वडा नं १ म रहल श्री जनहित सामुदायीक वन उपभोक्ता समूहके ११औं वार्षिक साधारण सभा ओराइल बा।
कार्यक्रम श्री जनहित सामुदायीक वन उपभोक्ता समूहके अध्यक्ष विष्णु प्रसाद चौधरीके सभापतित्वम बर्का पहुना लालझाडी गाउँपालिका वडा नं १ के वडा अध्यक्ष प्यारे लाल राना खास पहुना cfcc कञ्चनपुरके उपाध्यक्ष नरेश भट्ट, CBAPU के जिल्ला सह संयोजन सहदेव राना , सा मिलके सदस्य हंस राम राना हुकनके उपस्थित रह।
कार्यक्रमम स्वागत मन्तव्य सामुदायीक वन उपभोक्ता समूहके सदस्य बिनिता चन्द देहल रलह। कलसे कार्यक्रमम आय व्याय प्रतिबेदन प्रस्तुत समूहके सचिव हर्क सिंह महता १० लाख २५ हजार ३ सय ३८ रुपैयाँ बराबरके कारोबार हुइलक प्रस्तुत कर्ल रलह।
कार्यक्रमम विभिन्न सांस्कृतिक नाच गानके फेन प्रस्तुत हुइलरह। सँगसँग कार्यक्रमम गरीब तथा जेहेन्दार विद्यार्थीहुकन होसेला हुहिन कैक कापी व कलम देयक सहयोग सोरुप वितरण कर्ल रलह।
सँगसँग अपाङ्ग रहल विद्यार्थीहुकन गरम कपडा देयक सहयोग सोरुप वितरण कर्ल रलह। कार्यक्रमके सञ्चालन सचिव हर्क सिंह महता यकदम मजासे कर्ल रलह।
