केशव थापा
कञ्चनपुरके दक्षिणी क्षेत्र बेलडाँडीके समाजसेवी धनसिह महरा (सिताराम)के निधन हुइल बा। बेलडाँडी गाँउपालिका १ झिलमिलाबस्तीके समाजसेवी महरा (सिताराम)के निधन हुइल बटिन। लम्मा समयसे बेराम रहलक समाजसेवी सितारामके ६पुष(आइतबार) घरम निधन हुइलक परिवारजन बटाइल रलह।
सितारामके आइतबार दिन्के सितारामके धार्मिक परम्परा अनुसार झिलमिला स्थित चौधर लद्यम अन्त्येष्टी कर्ल रलह। सितारामके बर्का छावा करन, नाती खडकु, बिनोद पार्थिव शरिरम दागबन्त्ती देहल रलह। सितारामके अन्त्येष्टीम हुकनके सहकर्मीसे आफन्त, ईष्टमित्र सयौँ गाँउके फेन सहभागि हुइल रलह। हरेक मलामीहुक्र सितारामके समाजिक योगदानके चर्चा कर्ल रलह।
दिवङगत हुइलक ७५ बर्षिया सिताराम पञ्चयातकालिन जनप्रतिनिधीसे गणतान्त्रिक युगके समाजसेवी रलह।पञ्चायतकालम तत्तकालिन बेलडाँडी गाविस ९के वडाध्यक्ष सिताराम राजनैतिक, समाजिक व्यक्तित्वके रुपम रहल उ कम्युनिष्ट नेता फेन रलह।
सिताराम घर किनारम रहलक सिद्धनाथ आधारभूत विद्यालय व्यवस्थापन समितिके संस्थापक अध्यक्ष, गाँउके सरस्वती मावि झर्नासागरके शिक्षक अभिभावक संघ (पिटिए अध्यक्ष), रौलेश्वर जनता आर्दश बहुमुखी क्याम्पस संचालक समितिके सदस्य, एव आजिवन सदस्य रलह। झ्वालम डायरी बोक्क समाजिक सेवाम तल्लिन महरा ‘सिताराम,सिताराम’ लिख्ती जाक वाकर गाँउके सङ्हरियाहुक्र उपनाम सितारामल परिचित हुइल।
महरा आपन पैतृक सम्पतीसे बेलडाँडीके उच्च शिक्षा, समाजिक सुुविधा, धार्मिक एकताके लाग लाखौँ मुल्य पर्ना जमिन दान कर्ल रलह। रौलेश्वर जनता आर्दश बहुमुखी क्याम्पस बन्लक, राधाकृष्ण मन्दिर व प्रगति युवा क्लबके लाग सडक किनारम जमिन दान कर्ल रलह। महरा निधन बेलडाँडीहन अपुरणीय क्षति हुइलक स्थानीयहुकनके कहाइ बटिन। सिद्धनाथ आधारभूत विद्यालयके प्रद्यानाध्यापक धनसिह महरा विद्यालयके संस्थापक सितारामके निधनसे विद्यालय परिवार दुखित हुइलक बटैती सिङ्गो समाजम क्षति पुग्लक बतैल। बेलडाँडीहन सिताराम कर्लक योगदान समाज, नयाँ पुस्ताहुक्र सद्द सम्झना रहहिन, ‘उ कल" यी उहाके घर परिवार केल नि होक सिङगो समुदायके लाग दुखके विषय हो। विद्यालयके संस्थापक जग बसाल्ने साधा जिवन उच्च विचारके सितारामके निधनके शोकम विद्यालय एक दिन शोक विदा देल बा।
सरस्वती मावि झर्नासागरके संस्थापक शिक्षक लाल सिह विष्ट सिताराम विद्यालयके पिटिए अध्यक्ष हुइलक समग्र गाँउके सार्वजनिक शिक्षा सुधारके लाग कर्लक योगदान समाज कब्बिनै निभुल्ना बटिल। हमार लाग त उहाँ अत्यन्तै मार्गदर्शक फेन रलह, ‘विष्ट कल" ‘सिताराम जती समाजिक व्यक्तित्व बेलडाँडीके लाग धरोहर नै रलह।
रौलेश्वर जनता आर्दश बहुमुखी क्याम्पस प्रमुख प्रयागराज जोशी ग्रामिण भेगके उच्च शिक्षाके लाग ह्दयसे नै काम कर्ना व्यक्तित्वके निधनसे सिङ्गो क्याम्पस परिवार दुखित हुइलक बटिल। हम्र सितारामसे बेलडाँडीके समाजिक विकासके लाग कर्लक योगदान कब्बुनै भुलब, उ कल" अत्रासम्मके समाजसेवी गुमाक हम्र असल अभिभावक गुमैल बाटी।’क्याम्पस बनाइक लाग अचल सम्पती दिनासे सदस्य एव आजिवन सदस्य महराके निधनम सोमबार शोक विदा देना निर्णय कर्लक बटिल।
सरस्वती मावि झर्नासागरके सहायक प्रद्यानाध्यापक राधाकृष्ण पाठक फेन गाँउके समाजिक विकासके लाग सिताराम व उहाके परिवार कर्लक योगदान उदाहरणीय हुइलक बतैल। प्रगति युवा क्लबम अध्यक्ष शंकर भट्ट बेलडाँडीके सिताराम जसिन समाजसेवी गुमाक अन्त्यन्तै पीडाबोध हुइल बटिल।अध्यक्ष भट्ट सितारामके निधनसे समाज टुहुर हुइलक हुकाहर देखिलक दगरम आघ बहड्ना बतैल।
बेलडाँडी गाँउपालिके प्रमुख हरिशचन्द्र राना सिताराम जसिन समाजसेवी गुमाएसंगै समाजम अपुरणीय क्षति भहुइलक बटिल। गाँउप्रमुख राना समाजम सिताराम जसिन समाजसेवी पइना मुस्किल हुइना बटैती सितारामके निधनसंगै गाँउपालिका दुखित हुइलक बटैती हार्दिक श्रद्धाञ्जलीसे शोकाकुल परिवारजनम समवेदना प्रकट कर्लक बतैल। स्व. सिताराम कर्लक योगदानके कदर कर्ती विभिन्न शिक्षण संघ संस्था, विद्यालय, क्याम्पस, सरकारी, गैर सरकारी निकायसे सम्मानित हुइल रलह।
गाँउके स्थानीय सितारामके भौतिक शरिर निरलसे फेन सिताराम ह्दयम रहल बताइल बाट। स्थानीय एव गाँउके सिताराम कर्लक योगदानके उच्च सम्मान कर्ती स्थानीय सरकारसे सरोकारवाला निकायसे उहाके स्मृतिम कौनो समाजिक कामकाजसे योजना लानपर्ना सुझाव देहल रलह। स्व. सितारामके तीन थो छावा मध्ये बर्का छावा पहिलय है गुमा स्यकल, छोट्का छावा घर परिवारके सम्र्पकम आइल नि हुइत। धर्मपत्नी, बुहारी, नातिनातिना, नातीबुहारी, पतानी भावविह्लह हुइल बाट। सितारामके निधनसंगै घर परिवार, आफन्त, ईष्टमित्र, छरछिमेकी, गाँउके शोकाकुल हुइल बाट । बर्का छावा करन महरा क्रिरियाम बैथल बाट।
चौधरी खबर
