कञ्चनपुरके भौगोलिक विकट रहल लालझाडी गाँउका किसान जलवायुमैत्री प्रविधीसे तीना खेतीम जुतल बाट। झण्डै साढे चार बर्षसे संचालन हुइलक सक्षम परियोजनासे लालझाडीके साढे बाह्रसय धिउर घरपरिवारहन जलवायुमैत्री प्रविधीसे तीना खेतीम जुटल बाट।
समायानुकुलित जिविकोपार्यजनके लाग छुटी किसानहुकनके क्षमता अभिबृद्धि(सक्षम परियोजना) कार्यक्रम मार्फत १हजार २सय ६० घरघुरी प्रत्यक्ष लाभात्वित हुइल बाट।
लिबर्ड संस्था ०२२से हाल ०२५सम्म संचालन कर्लक उक्त कार्यक्रम मार्फत लालझाडी ग्रामिण बस्तीके उक्त घरधुरी प्रत्यक्ष लाभात्वित हुइल जनाइल बाट। लिबर्डके कार्यक्रम अधिकृत नविन पौडेल प्रस्तुत कर्लक प्रतिवेदन अनुसार किसान किसानके जिवनस्तर बृद्धिके लाग आयोजना कर्गिलक उक्त कार्यक्रम मार्फत लालझाडीके किसान आत्मनिर्भर ओहर उन्मुख हुइल बाट।
खाद्य पोषण, आय सुधारम सुधार, जलवायु परिर्वतन अनुकुलन व विपद जोखिम व्यवस्थापन क्षमता सुधार कार्यक्रम मार्फत प्रत्यक्ष जनता फाइदा लेहल बाट। कार्यक्रम अधिकृत पौडेल छुटी किसान, भूमिहिन किसान,मुक्त, कमैया, हलिया, दलित थारु, आदिबासी जनजाती समुदायके वाढी प्रभावित किासनहुकन लक्षित कैक कार्यक्रम संचालन कर्गिलक बटैल।
किसानहन तालिम, हुकन जलवायु अनुकुलन समान वितरणसे आवश्यक सक्कु सहयोग कर्क हुकहन आब्ब निर्वाहमुखी जिवनसे व्यवसायिक जिवन ओहर उन्मुख हुइल बतैल। घर विद्यालय बगैचा बनैना, गोठ सुधार, पशुपालन, पशु बीमा, जलवायु अनुकुलन नमुना गाँउ विस्तार सचेतना, उद्यमशिल विकास तालिम, विपद् जोखिम न्यूनिकरणके लाग सहयोग जैविक तटबन्ध, बहुउदेश्यीय नर्सरी, सौर्यसोलार सहितके कार्यक्रम संचालन कर्ल रलही, ‘अधिकृत पौडेल कल"‘पहिलसे आघ अहिले किसान आपन खेतबारीमसे जमिन भाडाम लेक कृषि उत्पादनके कामकाजम जुटल बाट।’चाँन्देवकी स्थानीय किसान पार्वती चौधरी ३कट्टा जमिनम व्यवसायिक तीना खेती कर्ल बाती। टर्नेल सहित खुला रुपम टमाटर, करेला, बोडी, खिरा, भिट्टी, लौका सहितके व्यवसायिक तीना खेती कर्ल बाटी।
‘हमार गाँउम सिँचाई सुविधा नै हो, तब्ब फेन हम्र प्रविधि सहित सुविधा पैलसे फेन व्यवसायिक तीना खेती कर लागल बाटी, ‘उ कलिन, तीना खेतीसे घरखर्च चलैल बटु।
’अप्पने आघक दिन नयाँ प्रविधीसे तीना खेती कर्लक उ बतैली। विगतम हम्र परम्परागत शैलीम तीना खेती कर्ती आइल रलही, ‘उ कलिन" आब्ब हम्र कृषि ज्ञान केन्द्र ली–वर्ड सक्षम परियोजनासे नयाँ प्रविधिसे तीना लगाय सिखाइल बा।
’और महिला किसान बेलमती चौधरी घरसे निक्रलक फोहोरपानी जम्मा कर्ना, मलके लाग पशुधनके मुत्र, गोबर संकलन कैक प्राङगारिक मल उत्पादन कैक तीना खेती कर्लक बतैली। उ पानी सकलन, गड्यौला व पशुधनके मुत्र, गोबर संकलन कैक प्राङगारिक मल उत्पादन कर्ती थोपा सिँचाई मार्फत तीना खेती कर्ती रहल बतैली। बेलमती समेत चार कट्टा जमिनम बेमौषमी मकै सहित टमाटर, करेला, बोडी, खिरा, भिट्टी, लौका खेती कर्ल बटी।
आब्ब हमहन बेमौसमी तीनक खेतीके लाग समेत सिँचाईके अभाव नैहो, ‘उ कलिन" सोलारसे बिहानसे सन्झ्यासम्म सिँचाई कर्ना सुविधा हुइल बा। उत्पादित तीना गाँउ सहितके आसपासके बजारम लैजाक बिक्रि वितरण कर्ती अइलक बतैली।
उक्त परियोजनाके समाजिक लेखा परीक्षक धिरेन्द्र सिनाल कार्यक्रम मार्फत किसानहुकन ज्ञान,सीप क्षमता विस्तारसे नयाँ प्रविधी सहयोग पाआक विगतम जिवननिर्वाहमुखी कृषिम संलग्न हुइल किसान आब्ब व्यवसायिकतर्फ उन्मुख हुइल बतैल।‘किसानके जिवनशैलीम फेन सुधार पाइल बा, विगतम मासु एव पोषिलो खैना परिकार खैना दशैँ, तिहार कुर किसान आब्ब हप्ताहप्ताम उपभोग कर्लक बटिल, उ कल" स्थानीय आवश्यकता आधारम व्यवसायिक कामम जुटल बाट। सहयोग कर्लक नवरंगी सहकारीम विगतम ७०घरधुरीसे आब्ब ४सयघरधुरी, ३लाख शेयरपुँजीम ९लाख र १४लाख निक्षेप बचतम आब्ब ४२लाख पुगल मिलल। स्थानीय किसान पार्वती चौधरी बर्षिक २ व बसमती राना बर्षिक १लाखके तीना बेच्ना कर्लक मिलल बा।साथै ५ जन भूमिहिन किसान विगतम डेढ विगाह जमिन भाडाम लेक व्यवसायिक खेती कर्लक व हाल ६५ विगतम खेती कर्ल बाट। बाली बीमाम कार्यक्रम समेत संचालन करपर्नाम परामर्सदाता सिनाल ध्यानाकर्षण करिल बाट।
स्थानीय किसानहुक्र आत्मनिर्भर बनैना दिगोपनाके लाग स्थानीय सरकार चासो देहपर्ना व कर्लक कार्यक्रमके सुझाव संकलन कैक आगामी दिनम थप दिर्घकालिन कार्यक्रम लन्ना समेत सुझाव देहल रलह।
लालझाडी गाँउपालिका प्रमुख प्रशासकीय अधिकृत राज बहादुर सार्की ग्रामिण भेगके किसानहुकन आत्मनिर्भर बनाइक लाग सचालित कार्यक्रमके दीगोपनाहन पालिका ग्रहण कर्ती हुकहन प्रोत्साहनके कार्यक्रम संचालन कर्ना बतैल।
हम्र सुझाव पेटीका धर्ल बटी, हरेक महिना खोल्क संकलन हुइलक सुझाव ग्रहण कर्ती आगामी दिनम सिकाईम प्रयोग कर्बी। परियोजना संयोजक ईन्देश्वर मण्डल जलवायु अनुकुलन कार्यक्रम संचालन कर्क किसानहुकन आत्मनिर्भर बनाइक लाग कार्यक्रम संचालन कर्लक बटील। उ कल" घर तथा विद्यालयम रैथान अन्नबाली, तीना, फलफुलखेतीके सङ व्यवसायिक रुपम किसानहुकन आत्मनिर्भर बनैना काम कर्लक बतैल।संस्था किसानहुकन सिखिलक सीपके उपकरण आब स्थानीय सरकार स्वामित्व ग्रहण कर्ती संचालनम जोड देल।
लालझाडी गाँउपालिका अध्यक्ष निर्मल राना पालिका सरकार संचालन कर निसेक्लक काम संस्था कर्लक कती आब नीतिगत रुपम समावेस कैक किसानहुकन थप आत्मनिर्भरके कार्यक्रमम जोड्ना प्रतिबद्धता जोहर कर्ल बाट। लालझाडीके अध्यक्ष फेन किसान आत्मनिर्भर स्वदेशी बस्तु तथा सेवा उत्पादनके कार्यक्रम संचालनके लाग आग्रह कर्ल बाट। बिहीबार एक कार्यक्रमके विच समाजिक परिक्षण परियोजना हस्तान्तरण कर्ल रलह।
