कञ्चनपुरके बेलौरी नगरपालिकाके १६ औँ नगर सभा अधिवेशन ओराइल बा। आर्थिक वर्ष २०८२/०८३ के लाग विनियोजित योजना तथा कार्यक्रमके प्रगति, बजेट खर्च विवरण व कार्यान्वयन अवस्थाम गहन छलफल हुइल रह।
अधिवेशनम नगर प्रमुख पोति लाल चौधरीके सभाध्यक्षताम नगर अधिवेशनम नगरसभा सदस्य, प्रमुख प्रशासकिय अधिकृत,विषयगत शाखाके प्रमुख तथा सरोकारवाला निकायके प्रतिनिधिहुकनके सहभागिता हुइल रह।
हिउँदै अधिवेशनम छूटपुट हुइल योजनाहन थप,रकम शिर्षकान्तर,पालिकाके सक्कु वडा, व बिषयगत शाखाके अर्ध वार्षिक प्रगति विवरण नगर उप प्रमुख जोगराम चौधरी प्रस्तुत कर्ल रलह। नगरभित्र हालसम्म हुइलक विकास निर्माणके काम, चालु योजनाके उपलब्धि,नगरके समग्र विकास अवस्थाके समीक्षा कर्ती बजेटके प्रभावकारी,पारदर्शी व परिणाममुखी कार्यान्वयनम जोड देलक चौधरीखबरहन जानकारी देहल रलह।
अधिवेशनसे विकासहन ओर व्यवस्थित, उत्तरदायी व जनमुखी बनैना महत्वपूर्ण निर्णय कर्गिलक समेत उप प्रमुख जोगराम चौधरी बटाइल रलह।
कार्यक्रमके सञ्चालन स्वास्थ्य शाखाके मान बहादुर चन्द एकदम मजासे कर्ल रलह।
