कञ्चनपुरके बेलोरी नगरपालिका वडा नम्बर ४ म रहल सम्झौता बहुउद्देश्य सहकारी संस्थाके हलम निड्स नेपाल संस्थाके आयोजना व BMZ/KKS जर्मनी संस्थाके सहयोगम" विपन्न परिवारके लैङ्गिक व समतामूलक सहभागिता प्रवर्द्धन तथा समाजिक आर्थिक जीवनयापन सहयोग NEPCON परियोजना" अन्तर्गत स्थानिय तहम खानेपानी,सरसफाई व स्वचछ्ता,विपद जोखिम न्यूनीकरण शिक्षा क्षेत्रके विद्यमान प्रावधान समस्यासे आघ रणनीति विषयम पैरवी गोष्ठी ओराइल बा।
बुधबार हुइलक कार्यक्रमके संयोजक प्रेम विक , संस्थाके कार्यसमिति सचिव टिका थापा क्षेत्री, अनुगमन मूल्याङ्कन अधिकृत बेलमती शाही, लेखा प्रशासन अधिकृत लक्ष्मी बोकटी, बेलौरी नगरपालिका वडा नम्बर ९ म रहल गोरखनाथ माध्यमिक विद्यालय, सिद्ध केदार आधारभूत विद्यालय, बेलौरी नगरपालिका वडा नम्बर ५ म रहल जननमुना माध्यमिक विद्यालय, बागेश्वरी आधारभूत विद्यालय, कृष्णप्रसाद आधारभुत विद्यालय शिक्षक व विद्यार्थीहुकनके सहभागी हुइल रलह।
विपत व्यवस्थापन बारे बेलौरी नगरपालिका विपद व्यवस्थापन शाखाके प्रमुख अशोक पाण्डेय आपत्कालीन विपद जोखिम न्यूनीकरणके लाग स्कुलके विद्यार्थीहुकन ढिउर से ढिउर प्रोजेक्ट विधि द्वारासे यकदम मजासे प्रशिक्षण देहल रलह।
बेलोरी नगरपालिका शिक्षा शाखाके प्रमुख अमित प्रसाद भट्ट शिक्षाके गुणस्तरीय बारे विद्यार्थीहुकन प्रोजेक्ट विधिद्वारासे प्रशिक्षण करैती कल" मजा GPA लान्क केल निहुइ आपन व्यवहारम फेन सकरात्मक सोच चाल चलन हुइ कलसे केल भविष्यम उ तब केल आघ बढ सेकी तब्ब मार नम्बर लन्नव केल भारी बिषय निहो सामाजिक रुपम सक्कु चिजम जन्नाहा हुइलसे केल आघ बढ सेक्जाई कना आपन धारणा धर्ल रलह।
कार्यक्रमके संयोजक प्रेम विकके अनुसार निड्स संस्थासे ढिउरसे ढिउर कार्यक्रमके आयोजना कर्ती आइल बटी असिन कार्यक्रम फेनसे आगामी दिनम फेन कर्ती रहब कना प्रतिबद्ध जाहेर कर्ल रलह। स्थानीय तहम खानेपानी, सरसफाई, स्वच्छता, विपद जोखिम न्यूनीकरण करक लाग आगामी दिनम कसिक न्यूनीकरण कर सेक्जाइ कना हिसाबसे रणनीति विषयम पैरवी गोष्ठी छलफल अन्तरक्रिया कर्ती भव्यताके साथ ओराइल रह।
