कञ्चनपुर उद्योग वाणिज्य संघके सदस्यम दिनेश मल्ल निर्बिरोध निर्वाचित हुइल बा। यीहिनसे आघ बरिष्ठ उपाध्यक्ष समेत रहल मल्ल अध्यक्षम निर्बिरोध निर्वाचित हुइल रलह।
संघके १८औँ कार्यकारीणी समिति चयनके लाग अइना शनिबार १९पुषम निर्वाचनके मिति तय हुइल रह।शनिबार मनोनयन दर्ता अन्र्तरगत अध्यक्षम मल्लके केल एकल उम्मेदवारी दर्ता हुइल रह। उ अध्यक्षम निर्बिरोध निर्वाचित हुइल रलह।
मुख्य निर्वाचन अधिकृत पूर्ण बहादुर चन्द अध्यक्षम मल्ल निर्बिरोध हुइलसे अन्य पदाधिकारीहुक्र समेत निर्बिरोध हुइलक बटिल। मुख्य निर्वाचन अधिकृत चन्दके अनुसार
बरिष्ठ उपाध्यक्ष दिपेन्द्र प्रकास साउद उद्योग उपाध्यक्ष तेज बहादुर चन्द, वाणिज्य उपाध्यक्ष गणेश चटौत, महासचिव राहुल भट्ट, सचिव नरेन्द्र प्रशाद जोशी(एनपी) निर्बिरोध निर्वाचित हुइल बाट। संस्थागत सदस्य तर्फ गजेन्द्र बिक्रम थापा(निर्बिरोध निर्वाचित हुइल बाट। कोषाध्यक्ष सिद्धराज भट्ट, प्रदिप पाल व मनोज भट्ट(मिन) उम्मेदवारी दर्ता कर्ल बाट।यस्तै ७ सदस्यके लाग १४ जन उम्मेदवारी दर्ता कर्ल बाट।सदस्य तर्फ लोकराज भट्ट, गोबिन्द भट्ट, सरिता भण्डारी, पार्वती कुमारी विष्ट(खडका) , जगदिशचन्द्र भट्ट, हेमराज भट्ट, पारस जोशी, निरज गुप्ता, पुरन पाण्डेय,देवदत्त जोशी, भोजराज अवस्थी, गंगा सिह धामी, कृष्ण राना, हेमराज भट्ट, सञ्जय कुमार भट्ट रहल बाट।
कञ्चनपुर उद्योग वाणिज्य संघके नेतृत्वम पुग्लक युवा उद्यमी व्यवसायी दिनेश मल्ल व उद्योग उपाध्यक्ष तेज बहादुर चन्दके निर्बिरोधके यात्रा जारी रलहिन।
युवा व्यवसायी मल्ल संघके १४ व१५औँ कार्य समितिम दुई पटक सदस्य पदम निर्बिरोध निर्वाचित हुइल रलह। वाकर पाछ १७औँ कार्य समितिम बरिष्ठ उपाध्यक्ष व आब्ब १८औँ कार्य समितिके निर्वाचनम फेन मल्ल निर्बिरोध नेतृत्व(अध्यक्ष)के जिम्मेबारीम पुगल हुइत। बाजेबाबुके कालसे व्यवसाय कर्ती अइलक मल्लहन आब्ब जिल्लाभरीके हजारौँ उद्योगी, व्यवसायीके नेतृत्व कर्ना जिम्मेबारी काँधम आइल बा।संघके अध्यक्षम निर्वाचित हुइलक मल्ल आम जिल्लाभरीके उद्योगी, व्यवसायीहुकनके हकहितके क्षेत्रम कामकाज कर्ना करैना प्रतिबद्धता जाहेर कर्ल बाट। संघके नेतृत्व पदाधिकारीम अध्यक्ष मल्लसे उद्योग उपाध्यक्ष तेज बहादुर चन्दके समेत संघके यात्रा निर्बिरोध नै रहल बा। १६ व १७औँ कार्य समितिम निर्बिरोध हुइलक उद्योग उपाध्यक्ष चन्द आब्ब १८औँ उद्योग उपाध्यक्षके जिम्मेबारीम आइल बाट।सुदूरपश्चिमके युवा उद्योगी व्यवसायी चन्दके समेत संघम निर्बिरोध यात्रा नै रहल बा। उ फेन आम जिल्लाके उद्योगी, व्यवसायीहुकनके हकहितके साथ संस्थागत क्षेत्रके विकासके कामकाज कर्ना करैना प्रतिबद्धता जाहेर कर्ल रलह। कोषाध्यक्ष, सदस्य तर्फ समेत यी पटक सर्वसम्मत कर्ना प्र्रयासम उद्योगी, व्यवसायी लागल बाट। जिल्लाके आम उद्योगी, व्यवसायी ०७६से ०७८सम्मके कोरोना महामारी, वाकर पाछ गत २३, २४ भदौँ ०८२म जेनजी आन्दोलनसे धरासायी बन्लक उद्योग, व्यवसाय क्षेत्रके बृद्धि विकास तर्फ संघके नयाँ कार्य समिति लाग पर्नाम सुझाव देल बाट।
