कञ्चनपुरके कृष्णपुर नगरपालिकाम संचालित सक्षम परियोजना मार्फत सयौँ किसान लाभान्वित हुइल बाट।
कृष्णपुर नगर ग्रामिण भेगम झण्डै चार बर्षसे संचालन हुइलक सक्षम परियोजनासे एक हजार ५सय ८४ घरपरिवार लाभात्वित हुइल रलह। लिबर्ड संस्था ०२२से हाल ०२५सम संचालन कर्लक उ कार्यक्रम मार्फत कृष्णपुर ग्रामिण गाउँके छुटी, विपन्न घरधुरीके किसान प्रत्यक्ष लाभात्वित हुइल जनाइल बाट।
कृष्णपुर नगरके १, २, ४, ५ व ९ वडाम उ परियोजना संचालन हुइल रह।
लिबर्डके कार्यक्रम अधिकृत नविन पौडेल प्रस्तुत कर्लक प्रतिवेदन अनुसार कृष्णपुरके स्थानीय किसानके जिवनस्तर बृद्धि हुइलक पैल बाट।१ हजार, २सय, ६५ महिला, ३सय ११ पुरुष १ हजार २सय २७ मुक्त कमैया, १सय ६५ दलित, ६५अपाङ्गता व १सय ८ बिटिसी समुहके मनैइ प्रत्यक्ष संलग्न बाट।पौडेलके प्रतिवेदन अनुसार स्थानीय किसानके खाद्य पोषण, आय सुधारम सुधार, जलवायु परिर्वतन अनुकुलन व विपद जोखिम व्यवस्थापन क्षमता सुधार कार्यक्रम मार्फत प्रत्यक्ष जनता लाभ लेहल बाट।
कार्यक्रम अधिकृत पौडेल छुटी किसान, भूमिहिन किसान,मुक्त, कमैया, हलिया, दलित थारु, आदिबासी जनजाती समुदायके वाढी प्रभावित किसानहुकन लक्षित कैक कार्यक्रम संचालन कर्लक बटिल।
किसानहुकन तालिम, हुकनहन जलवायु अनुकुलन समाग्री वितरणसे लेक आवश्यक सक्कु सहयोग कैक हुक्र आब्ब निर्वाहमुखी जिवनसे व्यवसायिक जिवनतर्फ उन्मुख हुइलक बतैल। ‘घर विद्यालय बगैचा बन्लक, गोठ सुधार, पशुपालन, पशु बीमा, जलवायु अनुकुलन नमुना गाँउ विस्तार सचेतना, उद्यमशिल विकास तालिम, विपद् जोखिम न्यूनिकरणके लाग सहयोग जैविक तटबन्ध, बहुउदेश्यीय नर्सरी, सौर्यसोलार सहित, कृषि मेलाके कार्यक्रम संचालन कर्ल रलही,‘अधिकृत पौडेल कल, पहिलसे आब्ब किसान आपन खेतबारीसे जमिन भाडाम लेक कृषि उत्पादनके कामकाजम जुटल बाट।
उ परियोजनाके समाजिक परीक्षक धिरेन्द्र सिनाल कार्यक्रम मार्फत किसानहुकन ज्ञान,सीप क्षमता विस्तारसे नयाँ प्रविधी सहयोग पैलक ओहरसे विगतम जिवननिर्वाहमुखी कृषिम संलग्न हुइलक किसान आब्ब व्यवसायिकतर्फ उन्मुख हुइल बटिल।
किसानके जिवनशैलीम फेन सुधार हुइल बा, विगतम मासु एव पोषिलो खैना परिकार खान दशैँ, तिहार कुर्ना किसान आब्ब हप्ताहप्ताम उपभोग कर्ती आइल बाट, उ कल, ‘स्थानीय आवश्यकता आधारम व्यवसायिक कामम जुटल बाट।
किसानहुक्र सामुहिक करार खेतीसे व्यवसायिक तीना खेती कैक जमिन खरिदसे घरजिवन प्रभावकारी संचालन कर्ती अइलक बटिल। बाली बीमाके कार्यक्रम समेत संचालन करपर्नाम परामर्सदाता सिनाल ध्यानाकर्षण करिल। स्थानीय किसानहन आत्मनिर्भर बनाइक लाग दिगोपनाके लाग स्थानीय सरकार चासो देहपर्ना व कर्लक कार्यक्रमके सुझाव संकलन कैक आगामी दिनम थप दिर्घकालिन कार्यक्रम लन्ना समेत सुझाव देहल रलह।
परियोजना संयोजक ईन्देश्वर मण्डल जलवायु अनुकुलन कार्यक्रम संचालन कैक किसानहुकन आत्मनिर्भर बनाइक लाग कार्यक्रम संचालन कर्गिलक बतैल। उ घर तथा विद्यालयम रैथान अन्नबाली, तरकारी, फलफुल खेत्वक सँग सँग व्यवसायिक रुपम किसानहुकन आत्मनिर्भर बनैना काम कर्लक बतैल। संस्था किसानहुकन सिखैलक सीपसे उपकरण अब स्थानीय सरकार स्वामित्व ग्रहण कर्ती संचालनम जोड देल। संयोजक मण्डल विपद क्षेत्रम नागरिकहन वैकल्पिक बगरखेती तर्फ समेत उन्मुख करिलक बतैल।
कृष्णपुर नगरपालिका उपप्रमुख द्रोपती राना लिबर्ड कार्यक्रम संचालन कैक नगरके किसान पहिलसे आब्ब आत्मनिर्भर तर्फ उन्मुख हुइल बतैली। उप्रमुख राना आयोजनासे प्राप्त उपब्धीहन निरन्तरता देती अइना बर्सके नीति तथा कार्यक्रमम समेत्ना प्रतिबद्धता व्यक्त कर्ली। उपप्रमुख राना किसानमुखी कार्यक्रम ओर संचालन तर्फ समेत आग्रह कर्ल रलही। आइतबार एक कार्यक्रमके विच समाजिक परिक्षण तथा परियोजना हस्तान्तरण कार्यक्रमम लालझाडी गाँउपालिका परियोजना एव कर्मचारीहुकहन प्रमाणपत्रके साथै टिकादोसल्ला ओढाक सम्मान कर्ल बा।
कृष्णपुर नगरके सुचना अधिकारी प्रेम बहादुर बोगटी संचालन कर्लक कार्यक्रमम जनप्रतिनिधी, किसान सहितके सरोकारवाला सहभागि हुइल रलह।
