कञ्चनपुरके बेलौरी नगरपालिका वडा नम्बर ७केआयोजनाम भलमन्सा,पधना,चाकर,अपाङ्गता ओर द्वन्दपीडित हुकन ब्लेन्केट(कम्रा)वितरण कार्यक्रम ओराइल बा।
बुधबार, बेलौरी नगरपालिका वडा नम्बर ७ के आयोजनाम भलमन्सा,पधना,चाकर, अपाङ्गता ओर द्वन्दपीडित हुकन ब्लेन्केट(कम्रा)वितरण कार्यक्रम ओराइल रह।
कार्यक्रमम बेलौरी नगरपालिका वडा नम्बर ७ के वडा अध्यक्ष प्रकाश श्रेष्ठके सभापतित्वम बर्का पहुना सुदूरपश्चिम प्रदेश सभा सदस्य तथा प्रदेश बिधायन सभापति दिवान सिंह विष्ट,खास पहुनाहुक्र बेलोरी कालिका मन्दिरके अध्यक्ष प्रकाश राज पन्त, दैलो नगरपालिका वडा नम्बर ७ के वडा सदस्य कमान सिंह चौधरी, देशु चौधरी, बिन्द्रावती राना,तुलसी शर्मा, लगायत भलमन्साहुक्र,अपाङ्गता,द्वन्दपीडित, चाकरहुकनके सहभागीता रह।
वडा सदस्य देशु चौधरी स्वागत मन्तव्य देटी कल" वडा नम्बर ७ के आयोजनाम हुलक भलमन्सा,चाकर, पधना द्वन्दपीडित हुक्र वडासे सम्मान कर्लक छुती हुइलसे फेन ब्लेन्केट कम्रा लेदेह आदेलक ओहरसे बहुत बहुत धन्यवाद देहल रलह।
सुदूरपश्चिम सभा सदस्य तथा प्रदेश विधान समिति सभापति देवान सिंह विष्ट कल" वडा नम्बर ७ के जनतानके लाग हरेक वर्ष कबु ब्लेन्केट कम्रा कबु पानी ततैना थर्मस स्वयंसेविका हुकनके लाग साईकल अस्तहक बहुत कार्यक्रम कर्ती आइल बाट ओकर मुल्यांकन जनताहुक्र महसुस कर्ल बाट उहाँ जसिन यक थो युवा अब्बल वडा अध्यक्ष प्रकाश श्रेष्ठ आपन वडाहन नमुना वडाके रुपम चिनैना सफल हुइल बाट।अत्रकेल नि होक महिनसे विकासके सन्दर्भम हो या कौनो बजेड मागके सम्बन्धम हो सद्दभर हातोमालो कर्ती आघ बहड्लक बटिल।अत्रा मजा कार्यक्रम धर्लक ओहरसे वडा अध्यक्ष लगायत वडा परिवारहन विशेष धन्यवाद देहल रलह।
वडा अध्यक्ष श्रेष्ठ कल" यी कार्यक्रम कर्नाके खास उद्देश्य कहाँ हो कलसे भलमन्सा,पधना,चाकर, द्वन्द्वपीडित अपाङ्गताहुकन यह जार समयम कुछ ना कुछ ब्लेन्केट (कम्रा)से हुकहन थोरचे राहत हुहिन कना उदेश्यके साथ यी कार्यक्रम धर्ती आइती हम्र प्रत्येक वर्ष जनतानके पिर मार्का बुझ्ती गरिब अति विपन्न जेष्ठ नागरिक स्वयंसेविका हुकनके लाग यकल महिलाहुकनके लाग असिन कार्यक्रम कर्ती आइती। काजेकी अप्नेहुक्र महिहन विश्वास कैक याहासम पुगिनाम बहुत भारी सहयोग कर्लक झारसे मै आपन वडासे सक्कु जातजातिनके मनैना तर तिहुवारके लाग फेन बजेड बिनियोजन कर्ल रथी आगामी दिनम फेन हजुरहुकनके साथ सहयोगके अपेक्षा कर्ती सद्दभर हजुरहुकनसे हातोमालो कर्ती आघ बहड्ना प्रतिबद्धता जाहेर कर्ल रलह।
कार्यक्रमम ब्लेन्केट कम्रा लेह अउइया मसे अति अशक्त २९ जन, पूर्ण अपाङ्ग६ जन, द्वन्दपीडित८ जन, भलमन्साहुक्र १२जन,पधना ५जना,चाकर ८ जन कैक जम्मा ६८ थो ब्लेन्केट कम्रा वितरण हुलक चौधरीखबरहन वडा सदस्य तुलसी शर्मा जानकारी देहल रलह।
कार्यक्रमके सञ्चालन बेलोरी नगरपालिका वडा नम्बर ७ के वडा सदस्य कमान सिंह चौधरी एकदम मजासे कर्ल रलह।
