कञ्चनपुरके बेलौरी नगरपालिका वडा नम्बर ९ म निड्स नेपालके आयोजना व BMZ/KKS जर्मनीके सहयोगम सिलाई-कटाई पूर्णताजगी तालिम ओराइल बा।
बिहिवार,बेलौरी नगरपालिका वडा नम्बर ९ म निड्स नेपालके आयोजनाम व BMZ/KKS जर्मनीके सहयोगम "विपन्न परिवारके लैङ्गिक समानतामूलक सहभागिता प्रवर्धन तथा सामाजिक आर्थिक जीवनयापन सहयोग NEPCON परियोजना" अन्तर्गत एक महिना सिलाई-कटाई पूर्णताजगी तालिम भव्य रूपम ओराइल रह।
समापन कार्यक्रमम बेलौरी नगरपालिका वडा नम्बर ९ के वडा अध्यक्ष किशन सिंह रानाके सभापतित्वम व बर्का पहुना निड्स संस्थाके संयोजक प्रेम विक,बेलमती शाही, लक्ष्मी बोगटी,दीपा जोशी, बेलौरी नगरपालिका वडा नम्बर ९ म कार्यरत मनोसामाजिक कर्ता कल्पना चौधरी व ओडाके कर्मचारीहुकनके सहभागिता रह।
निड्स संस्थाके संयोजक प्रेम विकके अनुसार समाजमा रहल गरिब,अति विपन्न घरपरिवार हुकन जीवनयापन कर्ना सजिलो हुहिन कना उद्देश्यके साथ ढिउर से ढिउर कार्यक्रमम लगानी कर्ती आइल बाटी। जस्तहक कृषिके लाग बोर मोटर, छेग्री पालन, सिलाई- कट्टाई सिकाईके साथसाथ सिलाईमसिन,स्टुल जसिन सामाग्रीफेन देती आइता काजे कि सीप सिख्क व्यापार व्यवसाय कैक आपन आम्दानी बढाय स्याकत कैक यी संस्था आघ बहड्ती आइल बा। अत्रकेल नि होक स्वास्थ्य, शिक्षा गुणस्तरीयके लाग, सरसफाई, खानेपानीम म फेन पैरवी कर्ना काम फेन कर्ती आइल बा।
वडा अध्यक्ष किशन सिंह राना कल"निड्स नेपाल संस्था हमार वडाके महिलाहुक्र सीप सिख्ना यक थो अवसर पैल ओकर लाग निड्स संस्थाके संयोजक प्रेम विक लगायत वहाके टीमहन विशेष धन्यवाद देह चाहतु अस्तहक समय समयम वडासे फेन आगामी दिनम ढिउर से ढिउर कार्यक्रम कर्ना लक्ष्य लेहल बाटी। हम्र फेन वडाम रहल सक्कु जातजातिन समेत्क कार्यक्रम चलैती आघ बहडल बाटी। अमिहिन सम जनताहुक्र वडासे हुइना कामसे दुःख नि पाइल हुइत। काजे कि हम्र जनताहुकनसे हातेमालो कर्ती आघ बहड्ती जाइती।
कार्यक्रमके सञ्चालन निड्स संस्थाम कार्यरत दीपा जोशी यकदम मजासे कर्ल रलह।
