कञ्चनपुरके बेलौरीम नेपाल आदिवासी जनजाति महासङ्घ नगर समन्वय समिति परिषद्के आयोजना व बेलौरी नगरपालिकाके आर्थिक सहयोगम आदिवासी जनजातिहुकन अधिकारके विषयम विपन्न विद्यार्थीहुकन शैक्षिक सामग्री वितरण कार्यक्रम ओराइल बा।
शुक्रबार, नेपाल आदिवासी जनजाति महासङ्घ नगर समन्वय समिति परिषद्के आयोजना व बेलौरी नगरपालिकाके आर्थिक सहयोगम " अधिकार प्रतिनिधि व स्वतन्त्रता/स्वाशासनके लाग आदिवासी जनजातिके अडान मानव पहिचान सहितके संघीयताके लाग संविधान संशोधन हमार साझा अभियान" कना मुल नाराके साथ आदिवासी जनजाति हुकनके अधिकारके विषयम प्रशिक्षण शैक्षिक सामग्री वितरण कार्यक्रम ओरैनाके सँगसँग प्रशिक्षण तालिम दुई दिन सम चल्ना आयोजक बटाइल रलह।
कार्यक्रमम नेपाल आदिवासी जनजाति महासङ्घ नगर समन्वय समिति परिषद्के अध्यक्ष किशन गम्वाके सभापतित्वम बर्का पहुना बेलौरी नगरपालिका नगरप्रमुख पोतीलाल चौधरी,खास पहुनाहुक्र बेलौरी नगरपालिका नगर उप-प्रमुख जोगराम चौधरी,पहुनाहुक्र नेपाल आदिवासी जनजाति महासङ्घ जिल्ला समन्वय परिषद्के अध्यक्ष विकास श्रेष्ठ, बेलौरी नगरपालिका प्रमुख प्रशासकीय अधिकृत रमेश बुढाथोकी,बेलौरी नगरपालिका वडा नम्बर ७ का वडाध्यक्ष प्रकाश श्रेष्ठ,बेलौरी नगरपालिका वडा नम्बर ५ का वडाध्यक्ष लालबहादुर चौधरी, बेलोरी नगरपालिका वडा नम्बर २ का वडाध्यक्ष कलवीर चौधरी, बेलौरी नगरपालिका वडा नम्बर ८ का वडाध्यक्ष विषराम राना, बेलौरी नगरपालिका लेखा शाखाके अधिकृत ओमप्रसाद उपाध्याय, जिल्ला सचिव पुनम श्रेष्ठ,नेवा दे दबुके अध्यक्ष सुरज श्रेष्ठ,व ३१थो सामुदायिक स्कुलके पहड्ना गरिब अति विपन्न अनुशासन हुइल विद्यार्थीहुक्र सहभागी हुइल रलह।
वडा नम्बर ७ के वडाध्यक्ष प्रकाश श्रेष्ठ कल" आदिवासी जनजाति महासङ्घ जौन नेतृत्व विकासके तालिम दुई देनके सिखाईसे पाछ परल आदिवासी जनजाति महिला होय या पुरुष होय आपन गाउँठाउम समाजम नेतृत्व कर सेक्ना यक क्षमतावान व्यक्तित्व बन्बो कना आशा लेहल बटु। आदिवासी समुदायम चौधरी, राना, मगर, गुरुङ, नेवारहुकने रहन सहन,भेषभुषा, सांस्कृतिक कला,खानपानसे धनी देखैथ तर फेन अवसन नि पाक हो या आपन क्षमता देखाय नि सेक्क हो जब फेन पाछ परल देखैथ।तब्ब मार आपन जानत सम नि हिचकिचाक बोल पर्थ कना लागत।
वडा नम्बर ५ का वडा अध्यक्ष लालबहादुर चौधरी कल" आदिवासी जनजाति समुदायम सांस्कृतिक कला गला, भेषभुषा बचैनाम व शिक्षाम फेन विशेष जोड देती अइलक ओरसे आयोजक टिमहन विशेष धन्यवाद देहल रलह।अत्रकेल नि होक अति गरिब बिपन्न घरपरिवारहुकनके लर्का स्कुल पहड्नाम बहुतसे बन्चित हुइल बात असिन समस्या नि होय कैक फेन हम्र वडासे ओसिन लर्कनके भविष्य ना बिग्र कैक वडासे फेन सहयोग कर्ती आइती। और आदिवासी जनजातिहुक्र आपन अधिकारके बारेम दुई देनके तालिम मसे आपन ब्यवाहरम लागु अवश्य करही कना विश्वास लेहल बाटु।
नगर प्रमुख पोतिलाल चौधरीके अनुसार जनजाति हुक्र बुझ्ना बाट काहो कलसे नेपालके सम्विधानके हिसाबसे आदिवासी जनजातिहुकनके उपस्थिति ढिउर रहत तर नीतिनिर्माण बनैना कामम चाहिँ यकदन न्यून उपस्थिति रहत।तब्ब ओहरसे आपन अधिकारके लाग सक्कु आदिवासी जनजाति यक जुड हुइना जरुरी बा। म फेन यक थो जनजातिम पर्ना नगर प्रमुख हुइतु,तब्ब मार हरेक क्षेत्रम जनजातिनके सवालम जे जौन ठाउम रलसे फेन जसिन सुखै मुद्दा मामिलाम रलसे फेन हम्र यक ढिक्का हुइना जरुरी बा। और जातिनके हक अधिकारहन हस्तक्षेप नि कर परथ सक्कु जातजातिहुक्र आपन आपन अधिकरके बारेम बोल पैना सबके अधिकर बा।अत्रकेल नि होक हरेक वर्ष अस्तह कार्यक्रम नगरपालिका फेन कर्ती आइता आगामी दिनम फेन सक्कु जातजातिसे हातोमालो आघ बहड्ना प्रतिबद्धता जाहेर कर्ल रलह।
कार्यक्रमके सभाध्यक्ष किसन गम्वा कल"हम्र जत्ना फेन कार्यक्रम कर्ती आइती नगरपालिका हमहिन सहयोग कर्ती आइता हम्र समन्वय व ब्यवस्था चाजो कर्लक हो बाकी बेलौरी नगरपालिकाके नगरप्रमुख पोतीलाल चौधरी,नगर उप-प्रमुख जोगराम चौधरी, कार्यपालिका टीम, नगर सभा टीम,लगायत प्रशासन टीमहुकहन सहयोग कर्लक ओहरसे मै विशेष धन्यबाद व आभार व्यक्त कर चाहतु। सक्कु जातजाति मनैन समान रुपसे ब्यवाहार कैक बेलौरी नगरपालिका आघ बढल बा ओकर लाग फेन विशेष धन्यवाद।अत्रकेल नि होक हरेक जात जातिनके भेषभुषा,सांस्कृतिक कला गला,चाड पर्व मनाइल लाग बेलौरी नगरपालिका बजेड रकम छुट्टिल रहत।अस्तहक वडाम फेन हरेक चाड पर्व कार्यक्रम करक लाग बजेड छुत्याक कार्यक्रम कर्ती रहत। नेपाल आदिवासी जनजाति महासङ्घ समिति परिषदम आक पहिलक वर्ष बेचुलर पहड्ना विद्यार्थी हुकन शैक्षिक सामग्री फेन वितरण कर्ल रलही।अस्तक अमिन काम कर्ना मैका देबो त आघक दिनम आकुर मजा कार्यक्रम चलाप कना बात धर्ती अइलक ३१थो सामुदायिक स्कुलके यक स्कुलसे यक थो विद्यार्थीहुकन एक दर्जन कपी व एक थो झोला उपस्थित विद्यार्थी हुकन शैक्षिक सामाग्री वितरण कर्नाके सङ अधिकारके बारेम दुई दिन सम तालिम चल्ना १८ गते से १९ सम चल्ना चौधरीखबरहन जानकारी देहल रलह।
कार्यक्रम सञ्चालन करुइया नेपाल आदिवासी जनजाति महासङ्घ समिति परिषद्के रितु चौधरी यकदम सुघ्घुरसे कर्ल रलही।
