कञ्चनपुरके बेलौरी नगरपालिका वडा नम्बर ६ के आयोजनाम श्री महाकाली माध्यमिक विद्यालय अन्तर्गत सञ्चालित समाहित शिक्षा बौद्धिक अपाङ्गता स्रोत कक्षाके विद्यार्थीहुकन गरम सुइतर,टोपी,टाउजर,जुत्ता वितरण कर्ल बाट।
सोमबार, बेलौरी नगरपालिका वडा नं ६ के आयोजनाम श्री महाकाली माध्यमिक विद्यालय अन्तर्गत सञ्चालित समाहित शिक्षा बौद्धिक अपाङ्गता स्रोत कक्षाके विद्यार्थी हुकन जारके मध्यनजर कर्ती गरम सुइतर,टोपी,टाउजर,जुत्ता वितरण कार्यक्रम कर्ल रलह।
कार्यक्रमम बेलौरी नगरपालिका वडा नम्बर ६ के वडाध्यक्ष भोजराज चौधरीके सभापतित्वम बर्का पहुना श्री महाकाली माध्यमिक विद्यालय व्यवस्थापन समितिके अध्यक्ष प्रेम सिंह बोहरा,खास पहुना बेलौरी नगरपालिका शिक्षा शाखाके प्रमुख अमित प्रसाद भट्ट, बेलौरी नगरपालिका वडा नं ६ के वडा सचिव केशव प्रसाद उपाध्याय, वडा सदस्य जयन्ती टमाटा, शिक्षक जय बहादुर राना शिक्षिका मैया रिजाल लगायतके उपस्थितिम भव्य रूपम कार्यक्रम ओराइल रह।
सभापति वडाध्यक्ष भोजराज चौधरी कल" जारके समयम मध्यनजर कैक बौद्धिक अपाङ्गता रहल १६ जनहन विद्यार्थी हुकन कुछ राहत हुहिन व शिक्षक शिक्षिका हुकनफे गरम कपडा देहल रलह। विद्यार्थीहुकनके घरपरिवारम गरिबी अति विपन्न हुइलक ओहरसे हम्र वडाके सदस्यहुकनसे छलफल कैक असिन कार्यक्रम कर परथ कना सल्ला होक यी कार्यक्रम धर्गिलक हो। अस्तकह सुझाब सल्लाह सद्दभर सकरात्मक सोचके साथ बेलौरी नगरपालिकाके शिक्षा शाखाके प्रमुख अमित प्रसाद भट्ट देती रथ वहाहन फेन विशेष धन्यवाद देह चाहतु।
कार्यक्रमके सञ्चालन बेलौरी नगरपालिका वडा नम्बर ६ के वडा सचिव केशव प्रसाद उपाध्याय एकदम मजासे कर्ल रलह।
