कञ्चनपुर निर्वाचन क्षेत्र नम्बर १ के लाग निर्वाचन अधिकृतके रूपम सर्वोच्च अदालतसे दामोदर घिमिरे खट्ल बाट।निर्वाचन अधिकृतके कार्यालय स्थापना हुइल सँग निर्वाचन सम्बन्धी सक्कु प्रशासनिक, कानुनी तथा व्यवस्थापनके कार्यहरू औपचारिक रूपम सुरु कर्गिलक समेत निर्वाचन अधिकृत घिमिरे चौधरीखबरहन जानकारी देहल रलह।
कार्यालय स्थापना होक उम्मेदवारी दर्ता,निर्वाचन आचारसंहिता कार्यान्वयन, गुनासो सुनुवाइ तथा निर्वाचन व्यवस्थापनके विविध गतिविधि सञ्चालन कर्ना निर्वाचन कार्यालय जनाइल बा।
निर्वाचन अधिकृत कार्यालय स्थापनाके लाग बेलौरी नगरपालिकाके नगरप्रमुख पोतिलाल चौधरी, जिल्ला निर्वाचन कार्यालयके प्रमुख हरीशचन्द्र जोशी, बेलौरी नगरपालिका वडा नम्बर ६ का वडाध्यक्ष भोजराज चौधरी,सुरक्षाकर्मी लागायत स्थानिय सञ्चारकर्मीहुकनके सहभागिता हुइल रह।
