कञ्चनपुरके बेलौरी नगरपालिका वडा नम्बर १० म रहल भगवानपुर माध्यमिक विद्यालयम शुक्रबारके दिन किशोरी व महिलाहुकनबीच शनिबारके दिन पुरुष व किशोरहुक्र अलग- अलग लैङ्गिक हिंसा रोकथामके लाग अन्तरपुस्ता संवाद कार्यक्रम ओराइल बा।
नेपाल सरकार संगको समन्वयम युरोपेली संगके आर्थिक सहयोगम सयुक्त राष्टसंघिय निकाय UNFPA, UNICEF, ILO, UN WOMEN के सयुक्त साझेदारीम सशक्त महिला समृद्ध नेपाल कार्यक्रम सञ्चालित बा।
सक्कु उमेर समूहके महिला व पुरुष किशोर किशोरीहुकनके बीच लैङ्गिक हिंसा सामाजिक मूल्यमान्यता सम्बन्धी समान बुझाइ लन्ना हानिकारक मूल्य मान्यता ओ लैङ्गिक हिंसा विरुद्धम बोल्ना व हिंसा प्रभावित सम्बन्धित निकायम सम्प्रेषण कर्ना किशोर किशोरीहुकनके परिवर्तनके भावना व आवश्यकता बुझ्क प्रोधहुकन समेत सकारात्मक वातावरणके सिर्जना कर्ना सहयोग कर्ना कार्यक्रमके उद्देश्य रहल बाट पिसविन नेपाल कार्यरत पालिका अधिकृत वसुन्धरा प्रसाद भट्ट चौधरीखबरहन जानकारी कर्ल रलह।
फरक पुस्ताबीच समाजम रहल प्रचलित कुरीती कुसंस्कार हानिकारक मूल्यमान्यता बारे सचेतना फैलिन व सकारात्मक बाट संरक्षण प्रचलित गलत प्रथा व कुसंस्कार सामाजिक मूल्यमान्यता हटाई सत्य सुसंस्कृत समाजके निर्माणम असिन कार्यक्रम सहयोग कर्ना हुइलक ओहरसे असिन कार्यक्रमहन निरन्तरता देहपर्नाम बेलौरी नगर पालिका महिला विकास शाखाके प्रमुख बिमला बजगाई बटाइल रलह।
लैङ्गिक हिंसा दुर्व्यवहार हटाई लैङ्गिक समानता कायम कैक घर परिवार व समाजम लैङ्गिक मैत्री बनाइक लाग असिन कार्यक्रमसे सहयोग कर्ना बाट बेलौरी नगरपालिका वडा नम्बर १० के वडा अध्यक्ष सोमलाल चौधरी कार्यक्रम आयोजना करुइया हुकन फेन विशेष धन्यवाद रलह।
उ अवसरमा यौन तथा प्रजनन स्वास्थ्य रेफरल निकायके बारेम फेन जानकारी कर्ल रलह। जिविमी च्याम्पियन CPSW किशोर किशोरीहुक्र महिला व पुरुषहुकनके फेन सहभागिता रह।वाकर सँगसँग कार्यक्रमसे थाहा पैलक बाट घर परिवार व समाजम करिना व आघक दिनम आपनभित्तर रहल नकारात्मक परिवर्तन आपन मसे सुरुवात कर्ना प्रतिबद्धता जाहेर कर्ल रलह।
