कञ्चनपुरके पशु करेन्टाइन कार्यालय गड्डा चौकी महेन्द्रनगर व बेलौरी पशु करेन्टाइन कार्यालयके संयुक्त सहकार्यम अनुगमन हुइल बा।
मंगलबार, कञ्चनपुरके बेलौरी नगरपालिकाम पर्ना सीमा क्षेत्रम बेलडाडी गाउँपालिका अस्तहक पुर्नवास नगरपालिका सीमा क्षेत्रम पर्ना बोडर नाकाम अनुगमन हुइलक हो।
अनुगमनम पशु क्वारेन्टाइन कार्यालय कञ्चनपुर गड्डा चौकीके प्रमुख डा. अरुण खनाल, सशस्त्र प्रहरी गुल्म बेलौरीके प्रमुख ईश्वरी भट्ट(I D), इलाका प्रहरी कार्यालय बेलौरीके सायव निरीक्षक वीरसिंह धामी, पशु करेन्टाइन बेलोरीके प्रमुख महादेव भट्ट लगायत स्थानीय पत्रकार समेत अनुगमनम रलह।
पशु क्वारेन्टाइन गड्डाचौकी महेन्द्रनगरके प्रमुख डा. अरुण खनालके अनुसार सीमा क्षेत्रम खुल्ला नाका हुइलक ओहरसे भारतमसे अवैध रूपम नेपाल भित्रिना बोइलर मुर्घा,अण्डा, ड्यु , भैंसी, भैसा लगायत ओसारपसार हुइलसे देखापर्ना बहुत किसिमके रोग भित्रिना हुइलक ओहसे असिन अवैध क्रियाकलापह रोकक लाग सहस्त्र प्रहरी व नेपाल प्रहरीहुकन कडा निर्देशन देहल रलह।
