पिसविन नेपालद्वारा बेलौरी नगरपालिका नगर उप प्रमुख जोगराम चौधरीके नेतृत्वम महाकाली प्रादेशिक अस्पतालम रहलक ओसीएमसी व साथी संस्थाम भ्रमण काम ओराइल बा।
उ भ्रमणम महिला तथा बालबालिका शाखा रूपान्तरणम सहभागी किशोरकिशोरी,अभिभावकहुक्र, फोकल शिक्षक व साथी सहजकर्ताहुक्र भ्रमण कर्ल रलह।
नेपाल सरकार सँगके समन्वयम युरोपेली संघके आर्थिक सहयोगम संयुक्त राष्ट्रसंघीय निकायहन व युएनएफपीए युनिसेफ आइएलो व युएन ओमेनके साझेदारीम सशक्त महिला समृद्ध नेपाल कार्यक्रम सञ्चालित बा।
महाकाली प्रादेशिक अस्पतालम रहल ओसीएमसी अवलोकन तथा भ्रमण कर्अ अइलक महाकाली प्रदेशिक अस्पतालके मेडिकल सुपरिडेन्ट डाक्टर अर्जुन देव भट्ट स्वागत कर्ल रलह। ओसिएमसीके बारेम अस्पताल नर्सिङ निरीक्षक भावना शर्मा जानकारी कराईल रलह। कलसे बालमैत्रीके बारेम स्टाफ नर्स सुनिता थापा जानकारी कर्आइल रलह।
उक्त भ्रमण साथी संस्थाम फेन रहल रह। साथी संस्थाके बारेम संस्थाके जिल्ला संयोजक उर्मिला शाही जानकारी कराइल रलह। साथै सेप हाउस आबसम्म रहलक कार्यक्रम बारेम फेन जानकारी कराइल रलह। सक्कु डिप्रेसन हुँइलकके लक्षण उहिहन व्यवस्थापन कर्न तरिका बारे काउन्सिलिङ सावित्री थापा जानकारी कराईल रलह।
भ्रमणम प्रत्यक्ष रूपम ओसीएमसी व सेफ हाउस देख पइलक व ओसीएमसी व सेफ हाउस कर्लक कामके बारेम जानकारी पइलक ओहरसे उक्त भ्रमणके अवसर प्रदान कर्अ पैलक ओहरसे युएनएफपीए व पिसबिन नेपालहन सहभागीहुक्र धन्यवाद व्यक्त कर्ल रलह।
साथै समय मिलाक ओसिएमसी सेफ हाउसके बारेम जानकारी देलक ओहरसे महाकाली प्रादेशिक अस्पताल व साथी संस्थाहन नगर उपप्रमुख जोगराम चौधरी व महिला विकास शाखाके प्रमुख बिमला बजगाईं हुक्र धन्यवाद देहल रलह।
