कञ्चनपुरके बेलौरीम पीसविन नेपालद्वारा बेलौरी नगरपालिका वडा नम्बर ६ म रहल शारदा माध्यमिक विद्यालय व वडा नम्बर ७ म रहल गणेश माध्यमिक विद्यालयके किशोरकिशोरीहुक्र, प्रधानाध्यापक दिपेन्द्र कुमार चौधरी, जयन्ती पन्त, वडा नम्बर ६ के वडा अध्यक्ष भोजराज चौधरी, वडा नम्बर ७ के वडाध्यक्ष प्रकाश श्रेष्ठ,अस्तकह वडा नम्बर १० के वडाध्यक्ष सोमलाल चौधरी, भगवानपुर माध्यमिक विद्यालयम रहल किशोरकिशोरी मैत्री सूचना कक्षके अवलोकन भ्रमण कर्ल रलह।
उ कार्यक्रमम अइलक सक्कु मनैन भगवानपुर माध्यमिक विद्यालयके शिक्षक तथा किशोरकिशोरी मैत्री सूचना कक्षके फोकल प्रशिक्षक जयराम सुनार स्वागत कर्ल रलह।कलसे किशोर किशोरी मैत्री सूचना कक्षके बारेमा पीसविन नेपालके पालिका अधिकृत वसुन्धरा प्रसाद भट्ट चौधरीखबरहन जानकारी देहल रलह।
सँगसँग इ अवसरम किशोरकिशोरी मैत्री सूचना कक्षके सल्लाहकार समितिके सदस्य तथा वडा नम्बर १० के वडा अध्यक्ष सोमलाल चौधरीके भगवानपुर आधारभूत स्वास्थ्य केन्द्रके जनस्वास्थ्य प्रकाश थापाके फेन उपस्थिति रह।
इहिनसे आघ सूचना कक्ष निदेख्लक व यी सूचना केन्द्र विद्यालयमा किशोरकिशोरीहुकनके लाग ढिउर उपयोगी हुइलक बाट अवलोकन तथा भ्रमणम अइलग किशोरीहुक्र रेविका राना, अन्जली चौधरी कल किशोरीहुक्र महिनावारी हुइलक समयम आरामदायी स्थलके रूपम कक्ष रना विद्यालयम निरन्तरता देना बात फेन बटाइल रलह।
किशोर किशोरीहुक्र अधिकतम ज्ञान यी कक्षसे पैना व हुकनके समग्र विकासम महत्वपूर्ण भूमिका खेल्ना हुइलक ओहरसे हम्र फेन आपन वडाके विद्यालयम स्थापना करक लाग आवश्यक पहल करना वडा न ६ के अध्यक्ष भोजराज चौधरी, वडा नम्बर ७ के वडा अध्यक्ष प्रकाश श्रेष्ठ प्रतिबद्धता जाहेर कर्ल रलह।
किशोरकिशोरी मैत्री सूचना कक्षके स्थापना कर्नाके उद्देश्य प्रत्यक्ष रूपमा अवलोकन तथा भ्रमण कर्ना अवसर उपलब्ध कर्लक ओहरसे युएनएफपिए व पीसविन नेपालहन सहभागीहुक्र धन्यवाद देहल रलह।
