सर्वोच्च अदालत रेशम चौधरीहन पक्राउ कर्ना सम्बन्धी पत्र आधिकारिक निरहल जनाइल बा। सर्वाेच्चके पत्रक आधारम प्रहरी नागरिक उन्मुक्ति पार्टीके संरक्षक रेशम चौधरीहन पक्राउ कैक सर्वोच्चके प्रवक्ता अच्युत कुइँकेल विज्ञप्ति निकार्क सर्वोच्चके कर्मचारी अनधिकृत पत्र लिख्लक जानकारी कराइल रलह ।
विज्ञप्तिम अनधिकृत रूपम पत्र लिख्ना अधिकृतहन कानून बमोजिमके कारबाही प्रक्रिया शुरू हुइलक उल्लेख बा। सर्वोच्च अदालतके मुद्दा तथा रिट महाशाखाके शाखा अधिकृत महिमानसिंह विष्ट राष्ट्रपति रामचन्द्र पौडेलसे इहिसे आघ हुइलक आममाफीके निर्णय नै उल्ट्याइ देती पक्राउ कर्ना पत्र लिखल रलह । पत्र अनधिकृत रलक पइलसे फेन प्रहरी विष्टहन पक्राउ कै सेकल बा ।
सर्वोच्च अदालत चौधरीहन थुनामुक्त कर्ना प्रहरीहन पत्र पठाक सेक्क सर्वोच्चके सूचना अधिकारी निराजन पाण्डे जानकारी देहल बाट ।
चौधरी खबर
