बेलाैरी, कञ्चनपुर -
नेकपा माओवादी केन्द्र सोमबारसे सुदूरपश्चिम प्रदेशम अभियान सञ्चालन करल बा। हुलाकी राजमार्ग केन्द्रित "जनता से माओवादी : तराई–मधेश जनजागरण अभियान" अन्तर्गत माओवादी केन्द्र सुप प्रदेश (कैलाली–कञ्चनपुर) म विविध कार्यक्रम कर्ती अभियान सञ्चालन कर्ती रहल बा।
कैलालीके टीकापुरसे सुरू क्रलक अभियान आज (मंगलबार) सन्झ्याक धनगढी हुइती कञ्चनपुर प्रवेश क्रना नेकपा माओवादी केन्द्रक नेता अमर सिंह चाैधरी जनाइल बाट । पार्टी सुदूरपश्चिम प्रदेश सदस्य समेत रलक चौधरी कैलालीक विभिन्न स्थानम कार्यक्रम ओरैती आज सन्झयाक कञ्चनपुर पुग्ना बटिल ।
उहाके अनुसार टीकापुरस्थित सती कर्णाली पुलम स्वागत कैक अभियान आघ बढल बा कलसे १७ गते महेन्द्रनगरम पुग्गक अभियानके भव्य रुपम ओरिना बा।
कार्यक्रम अन्तर्गत बिहान मर्निङ वाक, सहिद परिवारसे भेटघाट, टीकापुर झुंगाम जनसभा, बैसनपुर व धनगढीम सहिद परिवारसे अन्तरक्रिया आयोजना हुइता। ओकर पाछ सन्झ्याक धनगढी भन्सार हुइती डोकेबजारसे कञ्चनपुर प्रवेश क्रना बा ।
कलसे, कञ्चनपुरके पुनर्वास नगरपालिकाम स्वागत तथा भेटघाट कार्यक्रम, मोतीबस्तीक सहिद परिवारसे छलफल, १७ गते बिहान्क पुनर्वास से बेलाैरी प्रचण्डके मर्निङ वाक, रामनगरम खानेपानी उद्घाटन, सहिदके सालिकम माल्यार्पण, शोभाताल अवलोकन, सीमा अवलोकन, बेलाैरी नगरपालिकाम अन्तरक्रिया कैक, बेलडाँडी व बेदकोटम स्वागत तथा भेटघाट कार्यक्रम तय क्रलक जनाइल बाट।
अस्तहक, बुधबार दिनक ३ बजे भीमदत्त नगरपालिका–४ महेन्द्रनगरके संविधान चोकम सभाक साथ अभियानके ओरिना बा।
यस अभियानम पूर्व प्रधानमन्त्री तथा माओवादी केन्द्रके अध्यक्ष पुष्पकमल दाहाल 'प्रचण्ड' सहित शीर्ष नेताहुकनके सहभागिता रहना बा। प्रचण्डके उपस्थिति रहना हुइलकअभियानहन सफल पर्नव नेता तथा कार्यकर्ताहुक्र सक्रिय रुपम खट्क नेकपा माओवादी केन्द्रक नेता पाेतीलाल चाैधरी बटिल।
बेलाैरी नगरके मेयर समेत रलक चाैधरी कल, "पार्टी संचालन क्रलक अभियानहन हमार जिल्लाम सफल बनैना हम्र सक्कुज नेता तथा कार्यकर्ता जिम्मेवारीके साथ खट्ल बाटी।"
पार्टी अध्यक्ष प्रचण्डके नेतृत्वम हुइना अभियान सफल पर्ना सुदूरपश्चिम प्रदेशके इन्चार्ज गिरीराजमणि पोखरेल लगायत दुनु जिल्लाके तथा प्रदेशक नेता कार्यकर्ताहुक्र युद्धस्तरम सक्रिय रहल बाट उ कल ।,
हुलाकी राजमार्ग केन्द्रित अभियानपाछ पार्टी मध्यपहाडी लोकमार्गम समेत अभियान सञ्चालन क्रना जनाइल बा।
दिनेश चौधरी
