कञ्चनपुरके तीन राजनीतिक दल नेपालके संविधान ०७२ रहतसम्म बेलौरीके संविधान चोक नै रहना स्पष्ट पर्ल बाट ।
बुधबार नगर प्रमुख पोतिलाल चौधरीहन ज्ञापन पत्र बुझइती नेपाली काँग्रेस, नेकपा एमाले व नेकपा माअोवादी संविधान ०७२ रहतसम्म बेलौरीके संविधान चोक नै रहना स्पष्ट पर्लक हो।
तत्तकालिन सत्ताधारी दल नेकपा एमाले,काँग्रेस व प्रमुख प्रतिपक्षीय दल नेकपा माओवादी केन्द्रले संयुक्त रुपम संविधान रहतसम्म व नगरपालिका और निर्णय निकरतसम्म बेलौरीम यीहीनसे आघ धर्लक संविधान चोकके नाम परिर्वतन निहुइना ठोकुवा कर्ल बाट।
बेलौरी बजारम रहलक संविधान चोकके नामाकरण बेलौरीम रहलक सक्कु पार्टीहुकनके विच छलफलद्वारा सर्वसहमती होक बेलौरी नगरकार्यपालिकाके नगर परिषदसे सर्वसहमती पारित कर्लक जनाइल बा।
नगरपालिका कार्यालयम कार्यरत रहलक करार तथा ज्यालादारी कर्मचारीके सम्बन्धमा कर्मचारी व्यवस्थापन कार्य समिति बनाई कर्मचारी व्यवस्थापन व आवश्यक से ढिउर हुइलक यथाशिघ्र जिम्मेवारीसे वर्खास्त कर्ना समेत ध्यानाकर्षण करैल बाट ।
नगर भित्तर रहलक अधुरा अपुरा योजना व शिक्षा स्वास्थ्य लगायत सडक तथा विकास निर्माणके काम कार्वाहीहरु यथाशिघ्र सुचारु कर्ना माग कर्ल बाट।
नगरभित्तर सरसफाई कर्मचारीहुकन विहान ६ से ८ बजेके समय भित्तर परिचालन कैक बेलौरी स्वच्छ बनैना सुझाव देहल रलह ।
बेलौरीम दिनहुँ जेन–जी एकथो पुस्ताके नामम विभिन्न पार्टीके पदिए जिम्मेवारीम रहलक व्यक्तीहुक्र नै अनावश्यक रुपम उठैती रहल हुइलक ओहरसे यी प्रति गम्भिर ध्यानाकर्षण हुइलक जनैल बाट । नेपाली काँग्रेसका नगर परिषद सदस्य पेपुराम चौधरी, एमाले नगर अध्यक्ष नवराज शाही व माअोवादी अध्यक्ष लाल बहादुर चौधरीद्वारा संयुक्त रुपम हस्ताक्षरित कर्लक ज्ञापन पत्रम समग्र बेलौरी वासी, सक्कु राजनितिक पार्टीके जिम्मेवार व्यक्ती, सक्कु युवा पुस्ता, आमा बुवाu दाजुभाई, दिदीबहिनी, समाजसेवी, बुद्धिजिवीहुक्र मिल्क एकताके साथ समृद्ध बेलौरी बनैना अभियानम हातेमालो कैक आघ बहड्नाम आब्हान कर्गिल बा । तीन दलके ज्ञापन पत्र बुझ्ती मेयर पोतिलाल चौधरी दलहुक्र आघ सर्लक एजेण्डाम पालिका गम्भिर रुपम आघ बढ्ना जनाइल बाट ।
