नेपाली कम्युनिष्ट पाटी कञ्चनपुर जिल्ला पाटी एकता सन्देश सभा कर्ल बा। सोमबार शुक्लाफाँटा नगरपालिका खुला मञ्च झलारीम नेकपा जिल्ला एकता सभा कर्ल रह।
नेकपा जिल्ला एकता सन्देश सभा संयोजक लोकेन्द्र लम्साल केन्द्रीय तालिका अनुसार कञ्चनपुरम फेन सभा कर्लक बटिल। उहाके अनुसार हजारौँ, नेता कार्यकर्तासे जनताके उपस्थितिम जिल्ला एकता सभा कर्ल रलह।उ जिल्ला एकता सभा कार्यक्रमम सम्बोधन कर्ना नेकपा नेता कार्यकर्ताहुक्र संविधान, देश, जनता, स्वाधिनताके रक्षाके लाग नेकपा अग्र मोर्चाम आघ बहड्लक जनाइल बाट। देशभर तारा चम्किना घोषणा समेत कर्ल रलह।
टुटफुट, विभिन्न दलम आबद्ध कम्युनिष्ट एकजुट हुइलसे आगामी निर्वाचनम देशके अम्बल, १ नम्बर पाटी बनैनव प्रतिबद्धता समेत जाहेर कर्ल रलह। तत्काल काँग्रेस, एमाले नेतृत्वके सरकार देशके ईतिहासम असफल, लज्जाबोध हुइना कैक ढलल टिप्पणी कर्ल रलह।
कार्यक्रमम धारणा धर्ना नेकपा नेताहुक्र कञ्चनपुरम नेकपा जुरुक्क उठल बताइल बाट। स्वागत मन्तव्य धर्ती नेकपा युवा नेता नवराज ऐर आब कञ्चनपुरम नेकपाहन जनताके हितम दौडाइ पर्ना बटिल।
कार्यक्रमके प्रमुख अतिथि समेत रहल नेकपा नेता डा. भीम बहादुर रावल देशके १ नम्बर पाटी बनैना व नेकपाके यात्रा कोइफेन रोवाक निसेक्ना उद्घोष कर्ल रलह।
नेकपा नेता खगराज भट्ट आब नेकपा आघ बढल ओहरसे कौनोफेन शक्तिसे रोवाक व छ्याक निसेक्ना बटिल। नेकपा और नेता एव पुर्वमन्त्री भानुभक्त जोशी समेत कञ्चनपुरम नेकपा जुरुक्क उथाइ पर्ना बतैल। नेकपा युवा नेता एव सुप प्रदेशके पुर्वमन्त्री प्रकास रावल फेन नेकपाहन प्रदेशम उजुक्क उथाय पर्ना सुझाव देल।
कार्यक्रमम नेकपाके नेताहुक्र शेर बहादुर कुँवर, लाल बहादुर खडका, प्रकास रावल, बीर बहादुर बुढाथोकी, गोबिन्द विक, झक्त ब. अधकिारी, माया नेगी, दिपा चौधरी, जयराज पाण्डेय, प्रताव तिरुवा, कमल क्षेत्री, मान बहादुर सुनार, राधा खरेल, रामऔतार राना, दिपक चौधरी, तनुकलाल चौधरी, मिनराज बडू, भीम ब. थापा, रुप बहादुर परियार, दिर्घ सोडारी, कृष्णराज सुवेदी, अक्कल रावल, हिक्म बडू सहितके नेताहुक्र कञ्चनपुर सहित सुप प्रदेशम दौदिना प्रतिज्ञा कर्ल बाट।
नेकपा युवा नेता माधव पन्त संचालन कर्लक कार्यक्रमम हजारौँके सहभागिता हुइल रलह।
