बेलौरी, कञ्चनपुर -
नेकपा माओवादी केन्द्रके अध्यक्ष एंव पूर्व प्रधानमन्त्री पुष्पकमल दाहाल(प्रचण्ड) कञ्चनपुर पुगल बाट । पुर्वी नेपालके झापासे शुरु होक माओवादी केन्द्रके अभियान पश्चिम नेपाल कञ्चनपुर पुगल हो ।
हुलाकी राजमार्ग केन्द्रित माओवादी जनतासंग माओवादी तराई–मधेश जनजागरण अभियान अन्तरगत सुप प्रदेश (कैलाली–कञ्चनपुर)म अभियान संचालन कर लागल बाट । मंगलबार कञ्चनपुर पुग्लक प्रचण्डहन पुनर्वास नगरपालिका सम्मान करल रह । बुधबार मर्निङ्गवाक कैक पुनर्वास, बेलौरीके सहिद परिवारसंग भेटघाट एंव सम्मान करल बा । जनयुद्धम ज्यान गुमइलक स्व. पुष्कर शर्माके घरम प्रचण्ड बैथल रलह । शर्माके संग संग उहाके कान्छा छावा हेमराज शर्मा ज्यान गुमाइल रलह ।
जनयुद्धम श्रीमान व छावा गुमिलक खिमा शर्मा पाटी अध्यक्ष प्रचण्ड आपन घरम बास बैथ्लसेफे खुसी व्यक्त कर्ती सहिदहुक्र देखिलक सपना अनुरुप देश व जनताके हितम काम क्रनाम जोडदेहल बाट । प्रचण्ड बेलौरी नगरपालिका ५ स्थित रामनगर खानेपानीके उद्घाटन, शोभातालके अवलोकन, किसान नेता सहिद भीमदत्त पन्तके सालिकम माल्यापण क्रल बाट । पाटी अध्यक्ष प्रचण्डहन बेलौरी नगरपालिका समेत स्वागत सम्मान करल बा। बेलौरी नगरके मेयर पोतिलाल चौधरी पाटी अध्यक्ष एंव पूर्व प्रधानमन्त्रीहन सम्मानके संग समग्र बेलौरीके समसामयिक समस्या बारे ज्ञापन पत्र बुझिलक बटिल ।
नेकपा माओवादी केन्द्रके केन्द्रीय सदस्य ओम विक्रम भाट(सरल) कञ्चनपुरके दक्षिणी पुर्वी नाका डोकेबजार होक कञ्चनपुर पुग्लक बटिल । माओवादी केन्द्रके अध्यक्ष सहितक शिर्ष नेता अभियान समापनके लाग कञ्चनपुर अइना रहलम नेता कार्यकर्ताहुक्र खट्ल बाट । नेकपा माओवादी केन्द्र कञ्चनपुरके संयोजक खेमराज पाण्डेय पाटीके हुलाकी राजमार्ग केन्द्रीय अभियानक समापन कञ्चनपुरम हुइना हुइलक ओहर्से अभियान सफल पारक लाग नेता कार्यकर्ताहुकन लेलक जिम्मेबारी अनुरुप खटल बटिल । ‘आब्ब अभियान टोली पुनर्वास, बेलौरी सेक्क बेलडाँडी पुगल बा, ‘उहा कल, ‘केही बेरम बेदकोट हुइती भीमदत्त नगर पुग्क सभा कैक समापन क्रना बा ।’
अभियान पाटी व जनताके हित क्रना कति नेता कार्यकर्ताहुक्र आपनहन पाइल जिम्मेबार युद्धस्तरम निर्वाह क्रर्ती आइल बाटि । हुलाकी राजमार्ग केन्द्रीत अभियान सक्क मध्य पहाडी मार्गम समेत संचालन क्रर्ना बा। असिक पूर्व प्रधानमन्त्री समेत रहक माओवादी अध्यक्ष प्रचण्डल जनताक घरदैलो केन्द्रीत क्रर्क अभियान नागरिक समेत उत्साहित हुइल बाट । हुलाकी राजमार्ग क्षेत्रक नागरिक सहित नेता कार्यकर्ताहुक्र प्रचण्डसे शिर्ष नेताहुकनसंग एकसाथ मर्निङवाक, छलफल अन्तरकृया, भोजन ग्रहणसे दिल खोल्क छलफल कर्ती रहल बाट ।
दिनेश चौधरी
