बेलौरी, कञ्चनपुर —
बेलौरी नगरपालिका–५ व ९ म रहलक गरिब व विपन्न कृषक समूहके सदस्यहुकन लक्षित कर्ती छेग्री वितरण क्रल बाट।
आइतबार जर्मन संस्थाके आर्थिक सहयोग व निड्स नेपालके आयोजनाम गरिब व विपन्न कृषक सदस्यहुकन छेगरिया व बाेव्क्या वितरण करल हाे ।
बेलाैरी नगर प्रमुख श्री पोतिलाल चौधरीके प्रमुख आतिथ्य व वडा नम्बर ५ के अध्यक्ष श्री लाल बहादुर चौधरीके विशिष्ट आतिथ्यम उ छेग्री वितरण कार्यक्रम सम्पन्न हुइलक जनाइल बाट ।
निड्स नेपालके प्राविधिक सहयोगमा दुई वडाके कैक विपन्न कृषक समूहके सदस्यहुकन आत्मनिर्भरता व जीविकोपार्जनके सशक्त माध्यमक रूपम छेग्रीपालन ओहर उन्मुख करिना उद्देश्यले कूल ४० थो छेगरिया २ थो बोक्या कैक ४२ थो छेग्री वितरण कर्लक नगर प्रमुख पाेतीलाल चाैधरी बटिल।
जिहिम दुनु वडाके कृषकहुकन बराबरी प्रतिनिधित्व देलक आयोजकके प्रयोजना संयोजक मीन बहादुर हुड्के जनाइल रलह।
नगरप्रमुख पोतीलाल चौधरी कल, -
“विपन्न कृषकहुकनके जीवनशैली परिवर्तन कर्ना हम्र गाउँ टाेलम पैथल बाटी। छेग्रीपालन आय आर्जनके दिगो माध्यम बनाय सेक्जाइ। उ कल, बेलौरी नगरपालिका ‘एक घर, एक उद्यम’ लक्ष्यसहित असिन कार्यक्रमहन ओर विस्तार करी।”
विशिष्ट अतिथि वडा अध्यक्ष लाल बहादुर चौधरी असिन कार्यक्रमसे विपन्न वर्गहुकन सशक्त बनाइगलाग योगदान पुग्ना उल्लेख कर्ती भविष्यम तालिम व प्रविधिके संयोजनसहित ओर प्रभावकारी कार्यक्रम लन्ना आश्वासन देहल रलह।
सहभागीहुक्र स्थानीयस्तरम सीधा लाभ पुग्ना असिन कार्यक्रमसे समुदायम सकारात्मक परिवर्तन लन्ना विश्वास व्यक्त कर्ल।
निड्स नेपालके प्रतिनिधिहुक्रा वितरण कर्लक पशुहुकनके नियमित स्वास्थ्य परीक्षण, प्राविधिक सल्लाह व पशुपालनसम्बन्धी तालिम फेन क्रमशः उपलब्ध करैबी कना जानकारी देल।
कार्यक्रमम सहभागी कृषकहुकनके असिन अवसरसे आपनम आत्मबल, सीप व भविष्यप्रति विश्वास थप्लक जनैती, वितरण कर्लक पशुपालनसे आर्थिक उन्नति कर्ना अठोट व्यक्त कर्ती खुसी व्यक्त कर्ल ।,
दिनेश चौधरी
