कञ्चनपुरके, एल डब्ल्यु एफ व निड्स नेपालके साझेदारीम सञ्चालित कार्यक्रमम समुदाय सशक्तिकरण तथा विकासके लाग स्थानीय पहल परियोजना लाईसेडअन्तर्गत महिला सशक्तिकरण कार्यक्रम अन्तर्गत १० दिने फास्ट फुड तथा वेभरेज मेकिङ तालिमके संग संग सहभागीहुकन प्रमाणपत्र व उत्कृष्ट ६ जहन महिला व्यवसायीहन नास्तापसल सहयोग सामग्री वितरण हुइल बा।
सोमबार,एल डब्ल्यु एफ व निड्स नेपालके साझेदारीके कार्यक्रमम बेलौरी नगरपालिका नगर प्रमुख पोतीलाल चौधरीके प्रमुख आथित्वम बेलौरी नगरपालिका वडा नम्बर २ वडा नम्बर ३ वडा नम्बर ४ वडा नम्बर ५ के उत्कृष्ट १३थो कृषकहुकन कृषि सहयोग सामग्री वितरण कैगिल रह।
कृषकहुकनके लाग कृषि सामग्री प्लास्टिक टनेल,भर्मी कम्पोष्ट बेड,कुटो, स्प्रे टङ्की, रोयल अगर(खन्ती), हजारी, नर्सरी ट्रे और नास्तापसल सहयोग सामग्री ग्याँस सिलेन्डर,चुलो, डेक्ची, मिक्चर, कराई लगायतके सहयोग सामग्री गरिब, कृषक समुहमसे छानके पथाइल जम्मा १९ थो कृषकहुकन सहयोग सामग्री पाईल रलह।
नगर प्रमुख पोतीलाल चौधरीकेअनुसार असिन कार्यक्रम धर्लक सबसे पैल त एल डब्ल्यु एफ व निड्स नेपाल संस्थानहन विशेष धन्यवाद देहतु काजे कि तालिमके संग संग सामाग्री फेन पाके आपन जीवनयापन कर्ना सहज हुहिन अस्तह बेलौरी नगरपालिका फेन कौनो समस्याम परल अति गरिब परिवारहुकन फेन सहयोग कर्ती आइता तब ओहरसे बेलौरी नगरपालिकासे करपर्ना सहयोग सद्दभर हातोमालो कर्ती जनतनके साथम रही कना प्रतिबद्धता जाहेर कर्ल रलह।
निड्स नेपाल संस्थाके संयोजक कविता रोकायाके कहाई अनुसार बेलौरी नगरपालिका वडा नम्बर २ वडा नम्बर ३ वडा नम्बर ४ व ५ म कार्यक्षेत्र प्रलक ओहसे अति गरिब, उत्कृष्ट कृषकहुकम छानके ढिउर से ढिउर तालिमके आयोजना कर्ती आइती अतकह सिलाई बुनाइके फेन तालिम हिइत काजे कि कमसे कम आपन घरपरिवारम जिविका चलाय स्याकत कैक असिन कार्यक्रम आघ बढैलक हो।
कार्यक्रमके सञ्चालन निट्स नेपाल संस्थाके प्रेम बिक कर्ल रलह।
