क्षयरोग मुक्त नेपाल घोषणा अभियान अन्तर्गत कञ्चनपुरके बेलौरी नगरपालिकाम श्रीपुर प्राथमिक स्वास्थ्य केन्द्रम सञ्चालित क्षयरोग खोज तथा परीक्षण शिविरम ३५४ जन सेवा लेहल बाट।
बिहिवार ,श्रीपुर प्राथमिक स्वास्थ्य केन्द्रम सञ्चालन कर्लक शिविरम जम्मा ३५४ जहनके स्वास्थ्य परीक्षण कर्गिल रह उहिमसे १०८ जन पुरुष महिला २४६ जन २८ जहनम क्षयरोगके सम्भावित लक्षण देखाइल रह।
सम्भावित लक्षण देखिलक मनैहुकनके नमुना परीक्षणक लाग धनगढी पथाइल बा। शिविरम महाकाली प्रादेशिक अस्पतालके तालिम प्राप्त डाक्टर रेडियोग्राफर, प्रदेश जनस्वास्थ्य प्रयोगशालाके प्रयोगशालाकर्मी सहितके विशेषज्ञ टोलीसे क्षयरोग स्क्रिनिङ व ए आई जडित एक्सरे क्याम्प करल श्रीपुर प्राथमिक स्वास्थ्य केन्द्र बेलौरीके इन्चार्ज गोविन्द विष्ट चौधरी खबरहन जानकारी देहल रलह।
बेलौरी नगरपालिका स्वास्थ्य शाखामा कार्यरत सि.अ.हे.व. मान बहादुर चन्दके अनुसार क्षयरोग मुक्त कर्ना अभियान केल नि होक हम्र बहुत किसिमके जनचेतानामुलक ,स्वास्थ्य सम्बन्धि कार्यक्रम फेन जनतनके लाग लागल बाटी।अत्रकेल नि होक क्षयरोग चेकजाच कर अउइया सेवाग्राहीनके सहभागिता देख्के खुशी हुइल रलह।
यी प्रविधिसे क्षयरोगके सम्भावित बेरम्यन पत्ता लगैना सजिलो हुइना हुइलक ओहरसे डिजिटल एक्सरे प्रयोग कर्ना सहज हुइना स्वास्थ्य कार्यालय कञ्चनपुरके क्षयरोग फोकल पर्सन नरेन्द्र रावल चौधरी खबरहन खबर देजल रलह।स्थानीयवासीके ढिउर से ढिउर सहभागिता व सरकारी संयन्त्रके समन्वयसे यी अभियान क्षयरोग नियन्त्रणम महत्वपूर्ण भूमिका खेल्ना विश्वास करल बा
दिनेश चौधरी
