कञ्चनपुरके एकथो निजी विद्यालयके आयोजना कर्लक क्रिकेट प्रतियोगिता ओराइल बा।
शुक्रबार,भीमदत्त नगरपालिका ४महेन्द्रनगरके लिटिलबुद्ध एकेडेमी आयोजना कर्लक एलबिए आठौँ संस्करणके प्रतियोगिता एक कार्यक्रमके विच ओराइल रह।
लिटिल बुद्ध एकेडेमीके प्रिन्सिपल श्याम सिह मौनी क्रिकेट क्षेत्रके बृद्धि विकास व अन्तर विद्यालयविच थप खेलकुदम प्रतिस्पर्धा कर्ना उदेश्यके साथ क्रिकेट प्रतियोगिता आयोजना कर्लक बटैल।
प्रिन्सिपल मौनीके अनुसार विगत ८ बर्षसे विद्यालय आपन पहलकदमीम प्रतियोगिता आयोजना कर्ती आइल बा। यी बर्षफेन कञ्चनपुर क्रिकेट संघके प्राविधिक सहयोगम प्रतियोगिता आयोजना कर्ल बा। एलबिए क्रिकेट प्रतियोगिता ०८२के उपाधी धनगढीके सिसिएस प्लसटु कलेजहन पाइल बा। आठौँ एलबिए क्रिकेट प्रतियोगिताके उपाधी सिसिएस प्लसटु कलेजहन पैलक हो।
फाईनल प्रतियोगिताम सिसिएस आयोजक एलबिएके टिमहन हतैती उपाधी हात पर्ल बा।
टस जित्लक आयोजक एलबिए ६९रनके टार्गेट देहल रह। दुई विकेटम सिसिएस ७० रन बनाक जित हासिल कर्लक हो। विजेता सिसिएसहन नगद १लाख १५ हजार र उपविजेता आयोजक एलबिएहन नगद ६० हजार पुरस्कार सहित ट्रफि मेडल, प्रमाण पत्र वितरण कर्ल बा। साथै उत्कृष्ट खेलाडीहुकन समेत नगद सहित मेडल, प्रमाण पत्र वितरण कर्ल बा।
कार्यक्रमम उक्त अवधिभर निःशुल्क स्वास्थ्य शिबिर संचालन कर्लक मन्त्र अस्पतालहन समेत सम्मान कर्ल बा। मन्त्र अस्पतालके निर्देशक डा. गोबिन्द रोकायाहन प्रमाण पत्र वितरण कर्ल रलह।
प्याब्सन कञ्चनपुरके अध्यक्ष महादेव भट्ट क्रिकेटके खेलाडी उत्पादनके लाग एलबिएके प्रयास सरानिय हुइलक बतिल। उ सुदूरपश्चिम क्रिकेटके खेलाडीके उर्बरभूमि समेत रहल बटिल। कञ्चनपुर क्रिकेट संघके अध्यक्ष बिरेन्द्र बहादुर चन्द प्रतियोगिता क्रिकेट क्षेत्रम टेवा पुग्लक बटिल।
बिशिष्ठ अतिथि समेत रहलक भीमदत्त नगरकी उपमेयर निलम लखेक निजी विद्यालय क्षेत्रसे आयोजना कर्लक कार्यक्रम खेलकुदके गतिबिधी बढिलक बतैली।
कार्यक्रमके प्रमुख अतिथि समेत रहलक भीमदत्त नगरके मेयर पदम बोगटी क्रिकेट प्रतियोगिता थप क्रिकेटके खेलकुदके साथै खेलाडीविच थप आपसी भाईचाराके भावना बृद्धि विकास हुइनव बतैल। विद्यालय यीहिनसे आघ ७औँ संस्करण अन्र्तरगत क्रिकेट प्रतियोगिता सफलतापुर्वक ओरैती आइल बा।
लिटिलबुद्ध एकेडेमी विद्यालय व्यवस्थापन समितिके अध्यक्ष नरेन्द्र खत्रीके अध्यक्षताम हुइलक कार्यक्रमम विद्यार्थी, खेलाडी,क्रिकेटप्रेमी लगायतके सहभागिता हुइल रह।
