काठमाडौं : सरकार उखु किसानहुकन अनुदान उपलब्ध करिना निर्णय कर्ल बा। सोमबार रातके बैथ्लक मन्त्रिपरिषद् बैठकम उखु किसानहुकन प्रतिक्विन्टल ३५ रुपैयाँ अनुदान देना निर्णय कर्लक हो।
कृषि तथा पशुपन्छी विकास मन्त्रालयके प्रस्तावसे उखु किसानहुकन अनुदान देना निर्णय हुइलक एक मन्त्री बटिल। आर्थिक वर्ष २०८१-८२ के लाग सरकार प्रदान कर्ना अनुदान रकम ३५ रुपैयाँ कायम कैगिल उ मन्त्रीके कहाइ बा।
सरकार उखु किसानहुकन प्रत्येक वर्ष अनुदान देती आइलल बा। अर्थमन्त्री विष्णु पौडेल आगामी आर्थिक वर्षम फेन उखु किसानहुकन अनुदान उपलब्ध करिना बतायल रलह। उ राष्ट्रिय अनुदान नीतिअनुसार उखु किसान अनुदान रकम पैना बताइल रलह।
आघक आर्थिक वर्षम उखु किसानके लाग झन्डै दुई अर्ब रुपैयाँ निकास हुइल रह। जसअन्तर्गत आठ जिल्लाके उखु किसान पाइपर्ना १ अर्ब ४५ करोड ढिउर रकम कृषि मन्त्रालय रकमान्तर कैक भुक्तानीके लाग जिल्लाम पथाइल रह। कञ्चनपुर, नवलपरासी पश्चिम, बारा, रौतहट , सर्लाही, महोत्तरी, सिराहा व सुनसरी जिल्लाके उखु किसान पाइपर्ना रकमके लाग एक अर्ब ४५ करोड ३२ लाख २१ हजार ८ सय ६८ रुपैयाँ सम्बन्धित जिल्लाहन पथाइल रलह।
