बेलौरी नगरपालिका क्षेत्र भित्तर अनुगमन तीब्र रुपम हुइ भिरल बा ।
बेलौरी नगरपालिका क्षेत्र भित्तर पर्ना सामुदायिक स्कुल,सस्थागत स्कुल ,सडक,पुल पुलेसा, मन्दिर,चर्च,बजार लगायत सक्कु ठाउँम जाके अनुगमन कर्ना तीब्र रुपम आघ बढल बा।
अनुगमनम बेलौरी नगर स्तरीय अनुगमन समितिके संयोजक बेलौरी नगरपालिका नगर उप-प्रमुख जोगराम चौधरीके नेतृत्वम शिक्षा शाखाके अधिकृत अमित प्रसाद भट्ट , उजुरी प्रशाशक शाखाके बिनोद चौधरीके टोली जाके अनुगमन हुइल रह।
अनुगमनके संयोजक जोगराम चौधरी कल,अनुगमन स्कुलम देखा पर्लक समस्याहन झत्तसे झत्त मजासे व्यवस्थापन मिलाक विद्यार्थीहुकनके पढाइम कौनो असर ना होय कना हिसाबले प्रत्येक बेन्चम चार जान विद्यार्थी बैथिहो ता कि विद्यार्थीहुकन लिख्ना, पहड्नाम सहज हुइ कना हिसाबसे स्कुलके हेड सरहुकन निर्देशन देहल रहल।
अस्तहक बेलौरी नगरपालिका शिक्षा शाखाके अधिकृत अमित प्रसाद भट्टके अनुसार यदि स्कुलम समय अनुसार विद्यार्थीहुकन ६ घण्टा सम अनिवार्य रुपसे पढाइ परि कना जोरदार स्कुल स्कुलम जाके निर्देशन देहल रलह,अत्रकेल नि होक स्कुलम अनुगमन केल कैक नाही देखा परल समस्याहन सही लाइनम आनक लाग हेड्सरहुकन कडा निर्देशन देती, यदि गल्ती करल भेटीलसे शिक्षा निमावली अनुसारके कार्बाहीम पर्बो कति सुझाब देहल रलह।
अस्तक बेलौरी नगरपालिका उजुरी प्रशाशक बिनोदके अनुसार आझ हम्र बेलौरी नगरपालिका वडा न १० सडघाट एजी बेलौरी इङ्लिस स्कुल, बेलौरी ९ शुक्लाफाटा आधारभुत स्कुल , बेलौरी ५ जन नमुना माध्यमिक स्कुल रामनगरम अनुगमन कर्ती सक्कु विद्यार्थीहुकन मजासे प्रहो कति नि जानल मस्तरोन पुछ्हो कति मजा सन्देश देलक चौधरीखबरहन जानकारी देहल रलह।
