माधव पौडेल
कञ्चनपुरके बेलौरी नगरपालिका वडा नम्बर ७ पैलाहाम रहल श्री कल्याण माध्यमिक विद्यालयके ३७औं वार्षिकोत्सव तथा अभिभावक दिवस मूल समारोह ओराइल बा।
बिहिवार, बेलौरी नगरपालिका वडा नम्बर ७ पौलाहाम रहल श्री कल्याण माध्यमिक विद्यालयके ३७ औँ वार्षिकोत्सव तथा अभिभावक दिवस मूल समारोह ओराइल रह।
कार्यक्रमके सभापति विद्यालय व्यवस्थापन समितिके अध्यक्ष दिनेश चौधरी,बर्का पहुना बेलौरी नगरपालिका वडा ७ के वडाध्यक्ष प्रकाश श्रेष्ठ,खास पहुना बेलौरी नगरपालिकाके शिक्षा शाखा प्रमुख अमित प्रसाद भट्ट, शारदा माध्यमिक विद्यालयके सहायक प्रध्यानाध्यापक अमर सिंह बिष्ट, शिक्षक अभिवावक संघ (PTA)अध्यक्ष श्याम प्रसाद आचार्य, विद्यालय व्यवस्थापन समितिके सदस्य आरती चौधरी,लगायत समाजसेवी बुद्धिजीवीहुकनके उपस्थिति रह।
विद्यालयके प्रगति प्रतिवेदन प्रधानाध्यापक रामसिंह बिष्ट प्रस्तुत कर्ल रलह। वार्षिकोत्सवम सांस्कृतिक कार्यक्रमके फेन आयोजना भव्यताके साथ कैगिल रह।
कार्यक्रमम बोल्ती बर्का पहुना बेलौरी नगरपालिका वडा ७ के वडाध्यक्ष प्रकाश श्रेष्ठ कल" गुणस्तरीय शिक्षा व सक्रिय विद्यालय वातावरणसे विद्यार्थीहुकनके भविष्य निर्माणके लाग बल्गर बन्ना आधार रहल बतैती शैक्षिक गुणस्तर वृद्धिके लाग वडासे करपर्ना सहयोगके लाग आघ बहड्ना प्रतिबद्धता व्यक्त कर्ल रलह।
प्रतियोगिताम महिलाहुकनके लाग घैंटोफोड पुरुषहुकनके लाग कुर्सीदौड, छात्र–छात्रा भलिबल, हाइजम्प, लाङजम्प, व कबडी जस्ता प्रतिस्पर्धात्मक खेल हुललक खेलम विजयी खेलाडी तथा टोलीहन पुरस्कार वितरण कर्गिल विद्यालयके प्रधानाध्यापक रामसिंह बिष्ट चौधरीखबर हन जानकारी देहल रलह।
कार्यक्रमके सहजीकरण विद्यालयके शिक्षक विष्णुप्रसाद तिवारी यकदम मजासे कर्ल रलह।
चौधरी खबर
