कञ्चनपुरके बेलौरी नगरपालिकाके सभाहलम शिक्षा सिकाइ तथा समन्वय इकाई कञ्चनपुरके आयोजनाम शनिबार शैक्षिक गुणस्तर अभिवृद्धिके लाग सामुदायिक माध्यामिक विद्यालय हेड्सरहुकनसे एक दिनके अन्तरक्रिया कार्यक्रम ओराइल बा।
कार्यक्रमम बोल्ती खास पहुना एवं बेलौरी नगरपालिकाके नगर उप-प्रमुख जोगराम चौधरी स्थानीय सरकार शिक्षा क्षेत्रहन उच्च प्राथमिकताम धर्लक बटैती नगरपालिका सामुदायिक विद्यालयके शैक्षिक गुणस्तर सुधारके लाग आवश्यक स्रोत साधन निरन्तर सहयोग कर्ती अइलक बताइल रलह।
कार्यक्रमम बोल्ती बर्का पहुना जिल्ला समन्वय समितिके सभापति दुर्गादत्त बोहरा सामुदायिक विद्यालयके सुदृढीकरणम स्थानीय तह व शिक्षा निकायबीचके सहकार्य आवश्यक रहल बटैती सामुदायिक विद्यालय मजबुत हुइलसे केल समग्र शिक्षा प्रणाली बल्गर बनाय सेक्ना बटाइल रलह।
कार्यक्रमके समापनम बोल्ती सभापति तथा शिक्षा, सिकाइ तथा समन्वय इकाई कञ्चनपुरके प्रमुख लक्ष्मण गिरी सामुदायिक विद्यालयके गुणस्तर सुधार आबक प्रमुख चुनौती रहल उल्लेख कर्ती विद्यालयके भौतिक संरचना केल निहोक,शिक्षण–सिकाइके गुणस्तर सुधार निकैक शैक्षिक उपलब्धि बधाइक निसेक्ना बताइल।प्रमुख गिरीके कल हेड्सरहुकनके भूमिका महत्वपूर्ण रहलक समेत बताइल रलह।कञ्चनपुर क्षेत्र नम्बर १ अन्तर्गतके ४० वटा सामुदायिक माध्यमिक विद्यालयके हेड्सरहुकनके उल्लेखनीय सहभागिता हुइल रह।
