कञ्चनपुरके बेलौरी नगरपालिका वडा नं. ४ के आयोजनाम नगरस्तरीय प्रथम वडा अध्यक्ष ब्याडमिन्टन कप प्रतियोगिता यह वैशाख १७ गतेसे सुरु हुइना बा।
खेलकुदके विकास, युवाहुकनम प्रतिस्पर्धात्मक भावना वृद्धि व स्थानीय प्रतिभा पहिचान हुइनव उद्देश्यके साथ प्रतियोगिता कर लागल बेलौरी नगरपालिका वडा नम्बर ४ के वडाध्यक्ष अर्जुन ढकाल चौधरीखबरहन जानकारी देहल रलह।
आर्थिक वर्ष २०८२/०८३ अन्तर्गत सुरु हुइ लागल उ प्रतियोगिताम स्थानीय खेलाडीहुक्र आपन क्षमता प्रदर्शन कर्नव अवसर पैना आयोजक जनैल बाट।प्रतियोगिताम फस्त हुइनव टिमहन रु. ३० हजार, दोस्रा हुइना टिमहन रु. १० हजार व तेस्रा हुइना टिमहन रु. ५ हजार पुरस्कार पैना बटिन। प्रतियोगिताम खेलाडीहुक्र सहभागी हुइना रु. १ हजार दर्ता शुल्क तोकल बा।
आयोजक सक्कु खेलप्रेमी तथा ब्याडमिन्टन खेलाडीहुकन समयम नाउ दर्ता कैक प्रतियोगिताम सहभागी हुइक लाग आग्रह कर्ल बाट।
