बेलौरी नगरपालिका वडा नम्बर ४ म रहल बेलौरी ब्याडमिन्टन क्लब व बेलौरी नगरपालिकाके आर्थिक सहयोगम ब्याडमिन्टन साझा हल बनल बा।
बेलौरी नगरपालिका वडा नम्बर ४ म रहल बहुत सालसे जिर्ण अवस्थाम रहल साझा हल हन ब्याडमिन्टन हल बनैना बेलौरी ब्याडमिन्टन क्लबके खेलाडीहुनके अथक मेहनत परिश्रम, आर्थिक सहयोग व बेलौरी नगरपालिकाके आर्थिक सहयोगम ब्याडमिन्टन हल बन्लक हो।
बेलौरी ब्याडमिन्टन क्लबके अध्यक्ष अशोक कुमार श्रेष्ठ अध्यक्षताम ब्याडमिन्टन हलम लग्लक खर्च आम्दानीके आय ब्याय रकम प्रस्तुत करुइया ब्याडमिन्टन क्लबके सल्लाहकार राजेश भट्टके अनुसार बेलौरी नगरपालिकासे विनियोजित बजेट ६ लाख ६९ हजार हो कलसे खेलाडी खेलप्रेमी संघरियनसे उथ्लक आर्थिक सहयोग २ लाख ६९ हजार, हुइल रह, भवन बनाइबेर लग्लक रकम १० लाख १४ हजार ७२ रुपैयाँ, व मिस्त्री उपचार खर्च २५ हजार रुपैयाँ , गम खरिद २० हजार ८ सय रुपैयाँ ,अन्य खर्च ५५ हजार २ सय ४० रुपैयाँ , विविधम २१ हजार ४ सय छियासी रुपैयाँ हुइल रह कलसे जम्मा खर्च ११ लाख ३६ हजार ५ सय ९९ रुपैयाँ रह, कलसे कुल आम्दानी ९ लाख ३८ हजार रुपैयाँ रह , अत्रा रुपैयासे फेन ब्याडमिन्टन हलम १ लाख ८५ हजार ९९ रुपैयाँ अपुग या ( रकम कम ) हुइलक ब्याडमिन्टन क्लब के सचिव रजनीश भण्डारी चौधरीखबरहन जानकारी देहल रलह।
बेलौरी ब्याडमिन्टन क्लबके सचीव रजनीश भण्डारीके अनुसार स्वास्थ्यके लाग खेल राष्ट्रके लाग खेल कना मुल नाराके साथ प्रथम बेलौरी बेनमेडियन क्लब खेलके आयोजना कर्ना छलफलहन आघ बढिल बाट अस्तकह ब्याडमिन्टन क्लबम जुरल सक्कु खेलाडी संघरियन सल्लाह (निर्णय) कैक खेलहन यह जेठ महिना भित्तर खेल्ना छ्लफल चलाइल रलह।
अस्तहक बेलौरी ब्याडमिन्टन क्लवके अध्यक्ष अशोक कुमार श्रेष्ठ कल" यदि यी हलम खेल्ना खेलाडीहुक्र ख्याल अहि तो स्वागत बा, व सँगसँग हलहन ओर मजा बनाइक लाग यदि सहयोग कर्ना चहबी तो कर सेक्बो अन्तम यी ब्याडमिन्टन हलहन बनैनाम सहयोग करुइया सक्कु जहन विशेष धन्यवाद व बेलौरी नगरपालिका हनफेन हृदयसे धन्यवाद देहल रलह।
