बेलौरी नगरपालिका ७ के आयाेजनाम वडा स्तरीय माघ मिलन सम्पन्न
बुधबार बेलौरी नगरपालिका ७ वडा स्तरीय थारु समुदायके थारु एकता हमार शान संस्कृति बचैना हमार अभियान कना मूल नाराके संग माघ मिलन कार्यक्रम सम्पन्न हुइल रह ।
कार्यक्रमम बेलौरी नगरपालिका नगर प्रमुख पोतीलाल चौधरी बर्का पहुनाके आथित्वम कार्यक्रम आघ बढ्ल रह ।
अस्टहक मन्ला पहुना बेलौरी नगर उप प्रमुख जोगराम चौधरी वडा अध्यक्ष प्रकाश श्रेष्ठ, विश्राम राना और भलमन्सन हुकन के सहभागीताम उक्त कार्यक्रम सम्पन्न हुइल बा ।
बर्का पहुना एवम् मेयर चाैधरी कल माघ पर्वम केल नाही हरेक जात जाति मनैना धर्म संस्कृति जगेर्ना करक लाग बजेड चुत्यैना जरुरी बा कना प्रतिबद्धता जाहेर कर्ती अइना माघ के सक्कु नेपाली हुकन शुभकामना देहल रह ।
अस्तहक बेलौरी नगर उपप्रमुख जोगराम चौधरी असिक बतिल माघ पर्व केल नि होक हरेक जात जाति मनैना पर्व आपन मध्य नजर कर्ती मनैना जरुरी बा ।
कार्यक्रमम वडा न ७ के वडा अध्यक्ष प्रकाश श्रेष्ठ कल अमिहिन सम हरेक जात जतिके धर्म संस्कृतिके संरक्षण गर्ना हमार स्थानीय सरकारके दायित्व हो। अम सम हरेक तिहार ,हाेरि , माघ , ख्रीट्मस सक्कु जहन समेत्क लैजैना मोर दायित्व हो।
कार्यक्रमके सभापति सन्तु चौधरी कल बेलौरी नगरपालिका ७ वडा स्तरीय माघ मिलन कार्यक्रम कर्ली कार्यक्रमम मघौटा नाच , झुम्रा नाच और स्थानीयहुकनके बेजोड प्रस्तुति संग भव्य व सभ्य रुपम सम्पन्न हुइल रह ।
कार्यक्रम सञ्चालन करुइया शर्मिला चौधरी रलही ।
दिनेश चौधरी
