बेलौरी नगरपालिका ७ गणेशपुर बरैयाम ७ औं होरी मिलन और साँस्कृतिक कार्यक्रम ओराइल बा ।
बिहीबार बेलौरी नगरपालिका ७ गणेशपुर बरैयाम साँस्कृती बचाइ, कुरिती हटाइ ओर निर्झल समाज बनाई कना मुल नाराके साथ ७ औं होरी मिलन ओर साँस्कृती कार्यक्रम ओराइल रह ।
७ औं होरी मिलन कार्यक्रमम बर्का पहुना क्षेत्र न १ के माननीय सानसद सदस्य तारालामा तामाङ मन्ला पहुना बेलौरी नगरपालिका नगर उप - प्रमुख जोगराम चौधरी, बेलौरी नगरपालिका वडा न ७ के वडा अध्यक्ष प्रकाश श्रेष्ठ अस्तहके भलमन्सा,समाजसेवी, बुद्धिजिवीके ढिउरसे ढिउर सहभागी रलह ।
माननीय तारालामाके अनुसार जब हम्र आपन बालबच्चन सहि डगरम नि लानत सम विकास क्रलक कोइ फाइदा नि हो । यदि आपन बच्चन सुधार सेक्बी कलसे पक्का फेन विकास तीब्र रुपमा आघ बढी कना प्रतिबद्धता जाहेर करल रलह ।
मन्ला पहुना उप - प्रमुख जोगरामके अनुसार होरि रानाथारु जातिनके नि होक सक्कु जातजाति मनिना रङ रोगन पर्व हो। यी पर्वम यक आपसमा मित्रता सदभाव सुखशान्ती बढिना तिवाहार हो । केहुसे झैझगडा नि कैक मजासे होरि मनैबी कति आपन शुभकामना देहल रलह ।
अस्तक वडा अध्यक्ष प्रकाश श्रेष्ठ कल होरी कलक रङ रिहोन से मनिना यक थो पर्व हो। रानाथारु हुकनके बर्का पर्व हुइतिन यी पर्वकेल नि होक हरेक जातजाति मनिना तिवाहरके लाग मै वडा से बजेड छुट्तिल रथु । वडा न ७ के सक्कु जन्ता मोर लाग बराबर हुइत ।सक्कु जहन समेत्क लैजिना मोर दायित्व हो। ओर नेपाली दादु दिदी , बाबा दाइन होरीके शुभकामना सन्देश देहल रलह ।
कार्यक्रमके सभापति पुरन रानाके अनुसार रानाथारु चाड पर्व तथा सँस्कृति हक हित संरक्षण समितीके आयोजना ओर सह आयोजक बेलौरी नगरपालिका ७ के कार्यालयके सहकार्य से हमार राना जातिम होरीपर्व सक्कुन से भारी पर्व कैक मनैथी वह मारसे रानाथारुनके आपन भेसभुसाके साथ पहिरन लगाके नाच गान कैक भव्य व सभ्य रुपम कार्यक्रम सम्पन्न हुइल रह । होरी करिब १ महिना ८ दिन सम हमार चलत कैक बटिल ।
कार्यक्रमके सञ्चालन अन्तराम राना कर्नाके साथ साथम वडा न ७ के विकासके लाग ढिउर से ढिउर समस्या माननीय तारालामाके थेन दर्साइल रलह ।
दिनेश चौधरी
