सुदूरपश्चिम प्रदेशक तराई क्षेत्रम बसोबास कर्ना रानाथारू समुदायके होरी पर्व उल्लास सुरु हुइल बा । माघ पूर्णिमासे फागुन पूर्णिमासम्म एक महिना आठ दिनसम्म चल्ना यी पर्वके आघक दिन जिन्दा होरी मनैथ ।
जिन्दा होरीम समुदायक बुढापाका, लौन्डा लौन्डिन रातके ढोल-तालमा सामूहिक रूपम नाचगान कैक रमैना चलन बा। आझकाल विभिन्न गाउँहरूम हरेक रात जिन्दा होरी नाच प्रस्तुत कर्ना क्रम जारी रहल बटिन ।
रानाथारू समुदायके सबसे भारी पर्व मनैना होरी दुई चरणमा मनैथ — जिन्दा होरी व मरी होरी। नेपाल रानाथारू समाजके कञ्चनपुर जिल्ला उपाध्यक्ष मनोहर लाल रानाके अनुसार होरीक दहनपाछ मुवल होरी सुरु हुइथा, जिहिह आठ दिनसम्म मनैथ। यी अवधिम मौलिक पहिरनम सपर्क दिनके होरी नाच नाचक पर्व मनैना कर्थ ।
मुवल होरीक अन्तिम दिनह ‘खख्डेहरा’ फेन कथ । बिहान्क खख्डेहरा फुटाक विधिवत रूपमा होरी पर्व वरा जिथिन। उ दिन आफन्त, मित, मितिनी, इष्टमित्रहुकन बोलाक विशेष परिकार (हट्कना) खवैना चलन बा। खख्डेहरा दिन प्रदेश सरकार प्रत्येक वर्ष सार्वजनिक बिदा देति आइल बा।
तर, होरी पर्व खख्डेहरा फुटाक केल नि सेक्जाइट। चैत महिनाम चराइँ पर्व वरिलसे बल्ल होरी ओरिलक मान्जाइट। सत्यह असत्यमाथि विजय प्राप्त कर्क खुसियालीम नाचगान र उत्सव मनैती यी पर्व मनैना परम्परा रहती आइल बा ।
दिनेश चौधरी
