बेलौरी नगरपालिका नगर स्तरीय रानाथारु समुदायके होरी मिलन और खख्डेहरा कार्यक्रमके उद्घाटन हुइल बा ।
आइतबार बेलौरी नगरपालिका नगर स्तरीय रानाथारु समुदायके बेलौरी खुल्ला मञ्चम हमार साँस्कृती बचाइ, कुरिती हटाइ ओर निर्झल समाज बनाई कना मुल नाराके साथ होरी मिलन ओर खख्डेहरा कार्यक्रमके उद्घाटन हुइल रह ।
होरी मिलन व खख्डेहरा कार्यक्रमम बर्का पहुना पुर्व खानेपानी मन्त्री बीना मगर, मन्ला पहुना बेलौरी नगरपालिका नगर प्रमुख पोतीलाल चौधरी, बेलौरी नगरपालिका नगर उप- प्रमुख जोगराम चौधरी, जीवन राना समाजसेवी बुद्धिजीवी प्रेम सिंह बोहरा, नेपाल रानाथारु समाजके जिल्ला उपाध्यक्ष मनोहर लाल राना, वडा न ७ के वडा अध्यक्ष प्रकाश श्रेष्ठ , वडा न ९ के अध्यक्ष किसन राना अस्तहके भलमन्सा,समाजसेवी, बुद्धिजिवीके ढिउरसे ढिउर सहभागी रलह ।
पुर्व खानेपानी मन्त्रीके अनुसार जब हम्र यक आपन मेलमिलाप नि रहत सम आपन रानाथारुके सस्कृती बचाइना अप्थ्यारो बा ।ओकरलाग यक आपसम मिल्क गिलसे अवस्य पुरान चाल चलनके भेसभुसा बचाय सेक्जाइ । मन्त्री कल तुहनके लाग का कर पर्ना बा सदैव हमार साथ सहयोग रहि कना प्रतिबद्धता जाहेर करल रलह ।
मन्ला पहुना नगर प्रमुख पोतीलालके अनुसार होरि रानाथारु जातिनके नि होक सक्कु जातजाति मनिना रङ रोगन पर्व हो। हम्र हरेक जातजाति मनैना तिवारके लाग नगरपालिकसे बजेड छुत्यथी । सक्कु जातजातिन समेत्क लैजिना हमार दायित्व हो। यी पर्वम यक आपसमा मित्रता सदभाव सुखशान्ती बढिना तिवाहार हो । केहुसे झैझगडा नि कैक मजासे होरि मनैबी कति आपन शुभकामना देहल रलह ।
अस्तक नगर उप- प्रमुख जोगराम चौधरी कल होरी कलक रङ रोहोन से मनिना यक थो पर्व हो। रानाथारु हुकनके बर्का पर्व हुइतिन यी पर्वकेल नि होक हरेक जातजाति मनिना तिवाहरके लाग बेलौरी नगरपालिकाम जनतनके उथ्लक राजस्व रुपिया हुइलक ओहर से फेन सक्कु समुदायके मनैन समेत्क लैजाइ परत ।नगरबासी सक्कु जन्ता मोर लाग बराबर हुइत ।सक्कु जहन समेत्क लैजिना मोर दायित्व हो। ओर नेपाली दादु दिदी , बाबा दाइन होरीके शुभकामना सन्देश देहल रलह ।
कार्यक्रमके सभापति बेलौरी रानाथारु समाजके अध्यक्ष तथा पधना सुरेश बडायकके अनुसार रानाथारु भलमन्सा तथा पधना समितिके आयोजनाम व प्रर्बधक बेलौरी नगरपालिकाके सहकार्यम हमार राना जातिम होरीपर्व सक्कुन से भारी पर्व कैक मनैथी वह मारसे रानाथारुनके आपन भेसभुसाके साथ पहिरन लगाके राष्ट्रिय कलाकार व स्थानीय कलाकारहुकनके बेजोड प्रस्तुति, नाच गान कैक भव्य व सभ्य रुपम यह चैत ३ गते से ४ गते सम्म कार्यक्रम सम्पन्न हुइ कना जानकारी देहल बाट ।
कार्यक्रमके सञ्चालन श्रीशा राना यकदम मजासे करल रलही ।
दिनेश चौधरी
