बेलौरीम थारु, भाषा ,सस्कृती सम्बर्द्धन सम्बन्धि पाँच दिनके मन्द्रा बजिना तालिम सुरु हुइल बा ।
सोमवार , थारु कल्याणकारी कञ्चनपुरके आयोजनाम व उद्योग , पर्यटन वन तथा वातावरण मन्त्रालयके प्रदेश पर्यटन ,धनगढी ,कैलालीके आर्थिक सहयोगम पाँच दिनके मन्द्रा बजिना तालिम सुरु हुइलक हो।
कार्यक्रमके सभापतित्वम सानु चौधरी , बर्का पहुना बेलौरीके नगर प्रबक्ता हर्क भुल, मन्ला पहुना बेलौरी नगर भलमन्सा समितिके अध्यक्ष अमर सिंह चौधरी अस्तक सुन्दरलाल चौधरी , बेलौरी नगरपालिका वडा न १० म सचीव पदम काम करुइया रेशम चौधरी , समाजसेवी , बुद्धिजीवीनके सहभागीम बेलौरी नगरपालिका वडा न ४ के छात्रावासम सञ्चालन हुइता।
बर्का पहुना हर्क भुलके कहाइ अनुसार परपरागतसे चल्ती अइलक भाषा, धर्म, सस्कृतीहन जोगैना जरुरी बा। समाजके लाग मजा रीतिरिवाजहन आघ बढाइ नि मजाहन हटैना फेन जरुरी बा।असिन कार्यक्रम महिन बोलैलो बेलौरी नगरपालिकासे का सहयोग करपरी हम्र सहयोग क्रनेनै बाटी कना बाट ढरल रलह।
सानु चौधरी कार्यक्रमके उद्घाटन कर्ती कल मन्द्रा बजिना तालिम करैनाके खास उदेश्यका हो कलसे थारु , भाषा ,सस्कृती, सम्बर्द्धनहन बचैना बहुत जरुरी बा। काजे कि ऐना हमार लर्कनके पिधिम सजिलो हुहिन। आजकालके लर्का मन्द्रा बजाय नि जन्थ काजेकी हम्र सस्कृती प्रती चासो नि धर्लक कारणसे तब मार हमार पुर्खा हुक्र दिउता, पुज्नाहुइ असिन चिज लोप हुइलक झारसे यी कार्यक्रम कर्ना यकदम जरुरी बा।
नगर भलमन्सा समितिके अध्यक्ष अमर सिंह चौधरी कल बलौरी नगरपालिका वडा न १ से वडा न १० सै थो वडाबासिन यक वडा से २० जहन मन्द्रा बजिना तालिमम सहभागी कराइ पर्ना व ५ गते से जेठ ९ गते सम मन्द्रा बजिना तालिम चल्ना बटिल।
अस्तकह कार्यक्रमके सञ्चालन रेशम चौधरी करल रलह।
दिनेश चौधरी
