कञ्चनपुरके बेलौरी नगरपालिका वडा न ७ म वडा स्तरीय सावनके डोला ओर तीज मिलन कार्यक्रम भव्य रुपम ओराइल बा।
शुक्रबार , बेलौरी नगरपालिका वडा न ७ गणेश मा. वि. गणेशपुर (बरैया) म "हमार सस्कृती हमार पहिचान, सस्कृती बचैना हमार अभियान " कना मुल नाराके साथ रानाथारु चाडपर्व सस्कृती हकहित संरक्षण समितिके व बेलौरी नगरपालिका ७ वडा कार्यालयके सह कार्यम सावनके डोला ओर तीज मिलन कार्यक्रम भव्य रुपम कार्यक्रम ओरिलक हो।
कार्यक्रमम रानाथारु चाडपर्व सस्कृती हकहित संरक्षण समितिके पुरन रानाके सभापतित्वम प्रमुख अतिथि वडा न ७ के वडा अध्यक्ष प्रकाश श्रेष्ठ , विशिष्ट अतिथि राधा जोशी,वडा सदस्य हुक्र कमान सिंह चौधरी , देशु चौधरी , बिन्द्रावती राना,तुलसी शर्मा , गाउँके भलमन्सा हुक्र, समाजसेवी बुद्धिजीवी , टेडिया गाउँ ,खैराना गाउँ , बरैया गाउँ , भगतपुर गाउँसे महिलाहुक्र आके घघरिया चोलिया लगाके धिउर से धिउर सहभागिता रहल रलह।
सभापति पुरन रानाके अनुसार रानाथारु समुदायम जोन सावनके डोला ओर तीजम महिलन आपन दादु , भैयनके लम्मा आयुके लाग व्रत बैथक तीजम पुरी,सिमही,धिउर से धिउर पर्कारके खानपिन बनैना चलन बा अत्रकेल नि होक सावन महिनाभर बिशेश भव्य रुपसे नाच गान कैक मना जाइत तब ओहरसे हमार रीतिरिवाज बचाइक लाग हमार रानाथारु समुदायके मनैइ यकजुड हुइ पर्ना जरुरी बा, यदि हम्र यकजुड नि होब कलसे हमार सस्कृती लोप हुइती जाई तब मार ,हमार वडा अध्यक्ष प्रकाश श्रेष्ठ यदि वडा अध्यक्ष नि रलसे सायक हम्र असिन कार्यक्रम कर नि पैती , पहाडी अध्यक्ष रलसे फेन राना, चौधरी , पहाडी कौनो जहन भेदभाव नि कैक सक्कु जहन समान रुपसे समेट्ल बाट , हमार पहिचानह आघ लैजिना भुमिका खेल्लक ओहरसे वडा अध्यक्षहन बिशेश धन्यवाद देहल रलह।
वडा अध्यक्ष श्रेष्ठ कल, सर्वप्रथमत रानाथारु समुदायम मनैना बिशेश सावनके डोला या तीज मनैना सक्कु जहनम शुभकामना देती,मै २०७४ सालके स्थानिय वडा अध्यक्षम निर्वाचित होक कार्यक्रमम मै रानाथारु समुदायनके रपटा लाग वडासे बजेड बिनियोजन कैक सक्कु जातजातिनके लाग आपन- आपन भाषा, सस्कृती, आपन रीतिरिवाज ,परिचान बचाइक लाक कार्यक्रम कर्ती आइतु तर जोन मै रानाथारु समुदायम घघिया, चोलिया तालिम सञ्चालन कर्ल रनहु तर जोन हिसाबसे घघरिया चोलिया लगाक आइपर्ना थाउम ओसिन सहभागी होक आइल नि देख्नु तब मार तालिम सञ्चालन कर्लक कोइ फाइदा नि हो,काजे कि तुह्र तालिम लेलक सहि सदुपयोग नि कर्बो त तुहनके सस्कृती कसिक उजागर हुइ, हम्र वडासे करपर्ना सक्कु जातजातिन मनैना सस्कृतीके लाग लागल बाटी तुर्हफेन हमीहिन साथसयोग करपर्ना जरुरी बा।
कार्यक्रमके सञ्चालन बेलौरी नगरपालिका वडा न ७ के पधना अन्तराम राना कर्ल रलह ।
