कञ्चनपुरके बेलौरीम रहल एशियन लाईफ इन्स्योरेन्स कम्पनी लिमिटेड शाखा कार्यालय बेलौरीके आयोजनाम अभिकर्ता भेटघाट तथा तीज विशेष कार्यक्रम भव्य रुपम ओराइल बा।
बिहिवार , बेलौरीम एशियन लाईफ इन्स्योरेन्स कम्पनी लिमिटेड शाखा कार्यालय बेलौरीके आयोजनाम बेलौरी नगरपालिका वडा न ४ शान्तिपुरम रहल बेलौरी फिस रिसोर्टम अभिकर्ता भेटघाट तथा तीज विशेष कार्यक्रम भव्यताके साथ ओराइल रह।
कार्यक्रमम एशियन लाईफ इन्स्योरेन्स कम्पनी लिमिटेड शाखा कार्यालय बेलौरीके प्रमुख केशव भट्टके सभापतित्वम प्रमुख अतिथि एशियन लाईफ इन्स्योरेन्स कम्पनी लिमिटेड सुदूरपश्चिम प्रदेशके गणेश बहादुर सावद विशिष्ट अतिथि हिर्दय राज बजगाई , प्रेम प्रसाद जैशी , मिना विष्ट , केशव दत्त जोशी , तारा प्रसाद जोशी ,लगायत एशियन लाईफ इन्स्योरेन्स कम्पनी लिमिटेड बेलौरीके शाखाम आवद्ध रहल महिलाहुकनके फेन ढिउर से ढिउर उपस्थिति होक भव्य रुपम कार्यक्रम ओराईल रह।
कार्यक्रमेक बर्का पहुना एशियन लाईफ इन्स्योरेन्स कम्पनी लिमिटेडके सुदूरपश्चिम प्रदेश प्रमुख गणेश बहादुर सावदके अनुसार हमार कम्पनीम आवद्ध रहल सक्कु स्टाफ हुकनके यक आपसम भेटघाट कर्ना अवसर मिल्ना सम्बन्ध ढिउर से ढिउर बढिना उद्देश्यके साथ अइती रहल तीजके दर खिना व अभिकर्ताहुकनसे भेटघाट , नाच्गान कैक रमाईलो कति तीजके अवसरम सक्कु नेपालीजहन शुभकामना देहल रलह।
अस्तक कार्यक्रमके सभापति केशव दत्त भट्टके अनुसार हरितालिका तीज महिलाहुकनके भारी तिहार हुइलक ओहरसे बहुत भाषण नि कैक रमैना, गैना, नच्ना कर्ना हुइलक ओहरसे यी कार्यक्रमम हमार एशियन लाईफ इन्स्योरेन्स कम्पनी लिमिटेडम आवद्ध रहल सक्कु स्टाफहुकन ढिउर से ढिउर धन्यवाद देती आपन व्यक्तिगत व एशियन लाईफ इन्स्योरेन्स कम्पनी लिमिटेडके ओहरसे हरितालिका तीजके शुभकामना देती कार्यक्रमहन समापन करल रलह।
कार्यक्रमके सञ्चालन एशियन लाईफ इन्स्योरेन्स कम्पनी लिमिटेडम आवद्ध रहल महेश पन्त कर्ती अइती रहल हरितालिका तीजके शुभकामना देती विशेष देश विदेशम सञ्चार माध्यमसे पुगिलक ओहरसे चौधरीखबरहन धन्यवाद फेन देहल रलह।
