सुदूरपश्चिम प्रदेश सरकार आइतवार प्रदेशभर सार्वजनिक छुट्टी देल बा।
तराईंम बसोवास रहल थारू चौधरी समुदायके अट्वारी तिहुवारके अवसरम प्रदेश सरकार सार्वजनिक छुट्टी देहल हो। कैलाली, कञ्चनपुरम बसोवास कर्ना थारू,चौधरी समुदायके मनै यी तिहुवारहन धुमधामसे मनाय भिरल बाट।
अट्वारी तिहुवार कृष्ण जन्माष्टमी तिहुवारके पाछ अर्थात् पूर्णिमाम परत। आघक दिन दर खैना व दोस्रो दिन व्रत बैथ्ना कर्थ।
अट्वारी तिहुवार थारु,चौधरी समुदायके नितान्त मौलिक तिहुवार हो। अट्वारी तिहुवारम थारु चौधरी जातके महाभारतका प्रमुख पात्र पाँच पाण्डवमध्येके मन्ला भाइ भीमके श्रद्धापूर्वक पूजाआजा कर्थ। ‘भेंवा’ के नामसे थारु, चौधरी जातके पुकारके थारु, चौधरी समुदायम पूजा कर्थ।
सोमबार बिहानके हल्ली उठ्के फरार करक लाग भात , तिना,मछी,पउइ संग केराउ मिलाइल तिना,सोविन आलु मिलाइल तिना बहुत परिकारके तिना मिठ मिठ बनाइल भात , तिना कहार्के आपन दिदी, बहिनियन, फुइनके घर आपन नातपातम अग्रासन देह जिना चलन रहत कैक बेलौरी नगरपालिका वडा न ७ म बैथुइया पुनाराम डगौरा चौधरीखबरहन जानकारी देहल रलह।
तिहुवारके अवसरम भदौ ८ गते सार्वजनिक छुट्टी रहल आन्तरिक मामिला तथा कानुन मन्त्रालयके राजपत्रमा उल्लेख क्रगिल बा। यीहीनसे आघ, प्रदेश सरकार अट्वारी तिहुवारके अवसरम साउन २५ गते छुट्टीके निर्णय क्रर्क राजपत्रम प्रकाशित कैगिल रह। तर, थारू,चौधरी समुदायके अट्वारी भदौ ८ गते पर्लक ओहरसे छुट्टीके मिति संशोधन कैगिल रह। अट्वारी तिहुवार दुई दिन सम मनाजाईत।
