बेलौरी नगरपालिका वडा न ८ रामपुरम वडा स्तरीय तेस्रो वडा अध्यक्ष कप भलिबल प्रतियोगिता ओराइल बा।
मंगलवार, "स्वास्थ्यके लाग खेलकुद राष्ट्रके लाग खेलकुद" कना मुल नाराके साथ बेलौरी नगरपालिका वडा न ८ रामपुरम श्री जन ज्योति माध्यमिक विद्यालयके प्राङगणम तेस्रो वडा अध्यक्ष कप भलिबल प्रतियोगिता ओराइल रह।
बेलौरी नगरपालिका वडा न ८ रामपुरम वडा स्तरीय तेस्रो वडा अध्यक्ष कप भलिबल प्रतियोगिताम जम्मा दर्ता हुइल ९ थो टिममसे प्रथम हुइया आयोजक A रामपुर खेलकुद युवा क्लव कलकत्ता १२ हजार रुप्या ओर ट्राफी पाइल रह , कलसे दोस्रो हुइया दिब्या दिप ज्योति युवा क्लव फतिया ८ हजार रुप्या ओर ट्राफी पाइल रलह।
समापन कार्यक्रमम वडा अध्यक्ष बिषराम रानाके सभापतित्वम प्रमुख अतिथि बेलौरी नगरपालिका नगर उप-प्रमुख जोगराम चौधर,रामपुर खेलकुद युवा क्ल्वके अध्यक्ष रनविर थापा, समाजसेवी बुद्धिजीवी हेरुइयनके ढिउर से ढिउर दर्शकहुकनके सहभागी रह।
वडा अध्यक्ष राना कल" हम्र आयोजना कर्लक भलिबल प्रतियोगिताम आयोजक A टीम प्रथम हुइल बहुत खुशी लागल काजे कि अस्तकह आपन गाउँठाउके नाउहन पहिचान कर्नाम सफल हुइल तबमार यी खेल देख्क मोर होसला प्रदान हुइल बा , अइना आगामी वर्षम फेन वडासे वडा स्तरीय भलिबल प्रतियोगिता धर्ना प्रतिबद्धता जाहेर करल रलह।
अस्तकह बेलौरी नगरपालिकाके विपत व्यवस्थापन समितिके संयोजक ओर ( रामपुर खेलकुद युवा क्लवके व्यवस्थापक अध्यक्ष ) अशोक कुमार पाण्डेयके अनुसार आज हम्र ९ थो टीमसे पार कर्ती प्रथम हुइली बहुत खुशी बाटु काजे कि हमार टीमके खेलाडीहुक्र मेहनत करल अनुसारके जीत हासिल हुइल यीहिम खेलाडीहुकन उत्पादन कर्नु खेलाडीहुक्र अशोकहन बहुत धन्यवाद देहल रलह।
खेलाडीहुकन खेलखेलुइया यकदम अनुभवी इमान्दार प्रेम चन्द ईम्पायरम रलह।
अस्तहक कार्यक्रमहन सञ्चालन करुइया सचिव निरज विष्ट करल रलह।
