कञ्चनपुरके बेलौरी नगरपालिका वडा न ४ म रहल श्री कालिका मन्दिरम कालिका आमा समुहके आयोजनाम प्रथम नगर स्तरीय तीज मेला नृत्य प्रतियोगिता कार्यक्रम ओराइल बा।
मंगलबार , बेलौरी नगरपालिका वडा न ४ म श्री कालिका मन्दिरम कालिका आमा समुहके आयोजनाम व बेलौरी नगरपालिकाके प्रायोजकम प्रथम नगर स्तरीय तीज मेला नृत्य प्रतियोगिता कार्यक्रमओराइल रह।
कार्यक्रमम बेलौरी नगरपालिका नगर प्रमुखके प्रमुख आथित्यम रहल कार्यक्रमम विशिष्ट अतिथि बेलौरी नगरपालिकाके नगर उप-प्रमुख जोगराम चौधरी , वडा न ४ के वडा अध्यक्ष अर्जुन ढकाल,बेलौरी नगरपालिकाके महिला तथा बालबालिका शाखाके प्रमुख बिमला बजगाई , निडस नेपाल संस्थाके अध्यक्ष दुर्गा खरेल,उद्योग बाणिज्य संघके अध्यक्ष हिरा सिंह विष्ट लगायत समाजसेवी बुद्धिजीवी बहुत्त गाउँठाउसे अइलक महिलाहुकनके ढिउर से ढिउर सहभागी रह।
तीज मेला नृत्य प्रतियोगिताम भाग लिहुइयामसे जे प्रथम बिजेता हुइ हुकहिन एक एकजहन कैक सात थो सारीके व्यवस्था कर्ल रलह कलसे दोस्रो हुइयनके लाग ५ हजार रुप्याके व्यवस्था कर्ल रलह।
नृत्य प्रतियोगिताम मुलल्याकन कैक प्रथम आय सफल हुइलक सम्झना महिला समूह व दोस्रो हुइना लालीगुराँस महिला समूह टेडिया सफल हुइल रह।
दोस्रो जित हुइलक लालीगुरास महिला समूह ५ हजार रुप्या श्री कालिका मन्दिर व्यवस्थापन समितिहन आर्थिक सहयोग कैक हस्तान्तरण कर्ल रलह।
नगर प्रमुक पोतीलाल चौधरी कार्यक्रम उद्घाटन कर्ती कल" बेलौरी नगरपालिकाम रहल सक्कु जातजाति मनैना तिहारम हम्र सक्कु पर्वहन संरक्षण करक लाग नगरपालिकासे बजेट बिनियोजन कर्ती आइती अस्तक बेलौरीम रहल कालिका मन्दिरम फेन बजेट दर्ती आइती अत्रकेल नि होक हरेक धर्मम आस्था धर्ना मनैनके लाग फेन बजेट दर्ती आइती अस्तक बेलौरी विकासके लाग हम्र लागल बाटी।
उप-प्रमुख जोगराम चौधरी कल" बेलौरीके मुटुम रहल श्री कालिका मन्दिर व्यवस्थापनम बेलौरी नगरपालिकाके थोर चे आर्थिक सहयोगम हुइलक तीज मेला नृत्य प्रतियोगिताम हुइलक यकदम जनचेतना मुलल गीत मार्फत समाजम बिकृती बिसङती हटाइक लाक कार्यक्रम मार्फत समाजहन आघ बढाइक लाग नृत्य देखिल बहुत खुशी लागल असिन असिन कार्यक्रम करक लाग बेलौरी नगरपालिका सद्द हातेमालो कर्ती रही कना प्रतिबद्धता जाहेर कर्ल रलह।
कार्यक्रमके सञ्चालन राजमती बम व कंचन आवाजके सम्पादक मीरा श्रेष्ठ कर्ल रलह।
