कञ्चनपुरके बेलौरी नगरपालिका वडा न ४ म रहल श्री कालिका मन्दिरम देउडा विशेष कार्यक्रम सुरु हुइल बा।
बुधबार , बेलौरी नगरपालिका वडा न ४ म रहल श्री कालिका मन्दिरम श्री कालिका आमा समूहके आयोजनाम व प्रायोजक बेलौरी नगरपालिका कार्यालय विशेष सहयोग श्री कालिका मन्दिर व्यवस्थापन समितिके सहयोगम ११ व १२ गते दिनके २ बजेसे चल्ना समितिके अध्यक्ष प्रकाश राज पन्त बटिल।
देउडा कार्यक्रमम अमर विष्ट्के सभापतित्वम बेलौरी नगरपालिकाके नगर उप-प्रमुख जोगराम चौधरीके प्रमुख आथित्यम खास पहुनाहुक्र बेलौरी नगरपालिका नि. प्रशासकीय झपी राज ओझा अस्तकह वडा न ४ के वडा अध्यक्ष अर्जुन ढ्काल , वडा न ६ के वडा अध्यक्ष भोजराज चौधरी , बेलौरी नगरपालिका न्यायिक समितिके उजुरी प्रशासकके बिनोद चौधरी , समाजसेवी बुद्धिजीवी , देउडा प्रेमी,शिक्षक, राजनितिक दलके लगायत स्थानीयहुकनके ढिउर से ढिउर सहभागीताम मौलिक देउडा गीत गाक ओर नाच्क कार्यक्रमके उद्घाटन कैगिल रह।
नगर उप-प्रमुख जोगराम चौधरी कल" सक्कु जातजातिनके धर्म सस्कृति रहनसहन परम्परा ह सम्बोधन कैक आघ बहर्ना के निमित्त बेलौरी नगरपालिका सद्दमान तयार रहल ओ सक्कु जातजातीनके मौलिक पर्व ह संरक्षण प्रर्बदन करक लाग आवस्यक सहयोग फे कर्ती आइल बाट जानकारी करैल, आजसुदुरपश्रिमेली समुदायके मौलिक महान पर्व गौराके अवसरम सक्कु नेपाली दादुबहिन्या हुकन विशेष शुभकामना देहल रलह, कति इ पर्व विभिन्न ठाउँम रहल विभिन्न जातजातिनके धर्म सस्कृति भाषाह एकता बद्ध बनाक हम्र सक्कु जहनम सामाजिक सद्वाव, सामाजिक एकता कायम कर्नाम खास भुमिका खेलल रहत। तसर्थ हम्र सक्कु ज एक ओरजहनके परम्परा भाषा सस्कृति चाडपर्वह सम्मानजनक रुपम लेक घुलमिल होक आघ बहड्लसे पालिकाके समग्र विकास ओ सामाजिक माया बहर्ती जैना बटाईल रलह।
