कञ्चनपुरके बेलौरी नगरपालिका वडा न ५ शोभातालम १२औं दश्या विशेष साँस्कृतिक कार्यक्रम ओराइल बा।
बुधबार , बेलौरी नगरपालिका वडा न ५ शोभातालम शिक्षा , स्वास्थ्य , सञ्चार,विकासके अभियान , कृषि , साँस्कृतिक,पर्यटन हमार पहिचान कना मुल नाराके साथ १२औं दश्या विशेष साँस्कृतिक कार्यक्रम ओराइल रह।
दश्या विशेष कार्यक्रमम कृपा राम चौधरीके सभापतित्वम बर्का पहुना बेलौरी नगरपालिकाके नगर प्रमुख पोतीलाल चौधरी , खास पहुनाहुक्र बेलौरी नगरपालिकाके नगर उप- प्रमुख जोगराम चौधरी , वडा न ५ के वडा अध्यक्ष लाल बहादुर चौधरी , वडा न ९ के वडा अध्यक्ष किसन सिंह राना , वडा न ५ के सदस्य आरती चौधरी , सदस्य सीता बि.क वडा न ९ के वडा सदस्य भुपतिन्द्र भट्ट ,शंकरु राना , भलमन्साहुक्र खुशी राम चौधरी , पशुनारायण चौधरी , लक्ष्मण डगौरा समाजसेवी बुद्धिजीवी , हेरुइया दर्शकहुकनके ढिउर से ढिउर सहभागी होके भव्य व सव्य रुपम कार्यक्रम ओराइल रह।
दश्या विशेष कार्यक्रमम राष्ट्रिय कलाकार गायिका समिक्षा चौधरीके बेजोड प्रस्तुतिसे सङ्ग सङ्ग स्थानीय नाच, दश्या नाचके फेन प्रस्तुतिहन हेरुईयाके करिब ७ हजार जति दर्शकहुकनके भिडभाद रह।
नगर प्रमुख पोतीलाल चौधरी कल"बेलौरी नगरपालिका भित्तर बैथ्ना सक्कु जातजाती मनैना पर्वके लाग बेलौरी नगरपालिका सम्मान रुपसे हेर्ती आइता अत्रकेल नि होक आपन आपन भाषा सँस्कृति बचाइलाग फेन बेलौरी नगरपालिका बजेड छुट्टिल रथी अस्तहक सिक्री कुण्डा पर्यटकीय क्षेत्र , बन्धाताल, शोभाताल, नक्ताबाबा मन्दिर भकुण्डा, यी ठाउँम बेलौरी नगरपालिका सद्दभर हातोमालो कर्ती आघ बढिल बाटी।यदि हमार ठाउँम बाहरसे पर्यटनके संख्या बढी त अवस्य बेलौरी नगरपालिकाके आम्दानी हुइ तब ओहरसे बेलौरी नगरपालिकाम रहल बहुत्त ठाउँम पर्यटनकीय क्षेत्र बनाइक लाग पलान बन्ती बा, ओर विकास कर्ना क्रमम सक्कुजन सकरात्मक विचार हुइना जरुरी बा।तब केल विकास तिब्र रुपसे आघ बढी।कति दश्याम सक्कु नेपालीहुकनक घरम सुख शान्ती प्रगतीके कामना सहित हमार नेपाल देशम फेन यक आपसम मेलमिलाप कायम होय शान्तिके माहोल होय कती व्यक्तिगत व बेलौरी नगरपालिका परिवार ओहर्से शुभकामना देहल रलह।
वडा न ९ के अध्यक्ष किसन सिंह रानाके अनुसार खास कैक असिन कार्यक्रम धर्लक ओहर्से विशेष शोभाताल आयोजक समितिह धन्यवाद देती दश्या विशेष का हो कलसे असत्यके विजय कर्कन राम चन्द्र भगवान मर्यादा पुरुस्वतम रामचन्द्र भगवान रावणह्न मार्के यी दस्या विशेष कार्यक्रमम जसिक तेन्ट लगाक मनैना पहिल चलन नै रह भलमन्साहुकनके घरम दश्या मनैना करत अत्रकेल नि होक असिन कार्यक्रमम बेलौरी नगरपालिका सहयोग कर्ल बा ओकर लाग विशेष धन्यवाद देती दश्या, देवारी , छ्ठ पर्वके शुभकामना देहल रलह।
कार्यक्रमके सहजीकरण करुइया जगदीश चौधरी रलह कलसे सञ्चालन करुइया पशुनारायण चौधरी व दिपक चौधरी यकदम मजासे भव्य व सव्य रुपम कर्ल रलह।
