कञ्चनपुरके बेलौरीम रहल नगर खेलकुद समितिके आयोजनाम शुभ दीपावली छठ पर्व व नेपाल संवतके उपलक्ष्यम बेलौरी नगरपालिकाके सभाहलम बिहीबार शुभकामना आदान प्रदान कार्यक्रम ओराईल बा।
कार्यक्रमके सभापति नगर खेलकुद समितिके अध्यक्ष रामेश्वर न्यौपाने, प्रमुख अतिथि बेलौरी नगरपालिकाके नगर प्रमुख पोतिलाल चौधरी, खास पहुना बेलौरी नगरपालिकाके नगर उप- प्रमुख जोगराम चौधरी,प्रमुख प्रशासकिय अधिकृत रमेश बहादुर बुढाथोकी, पहुनाम बेलौरी नगरपालिका वडा नम्बर ४ के वडाध्यक्ष अर्जुन ढकाल, बेलौरी नगरपालिका वडा नम्बर ७ के वडाध्यक्ष प्रकाश श्रेष्ठ, बेलौरी नगरपालिका वडा नम्बर ८ के वडाध्यक्ष बिषराम राना,तत्कालीन श्रीपुर खेलकुद समितिके अध्यक्ष बाबुराम न्यौपाने, वडा खेलकुद समितिके पदाधिकारी,नेपाली कांग्रेसके बेलौरी नगर समितिके सभापति पेपुराम चौधरी, नेकपा एमाले बेलौरी नगर कमिटी अध्यक्ष नमराज शाही, नेकपा माओवादी केन्द्र बेलौरी नगर कमिटी सहसचिव राजु बहादुर कुँवर, राष्ट्रिय प्रजातन्त्र पार्टीके प्रतिनिधि,राष्ट्रिय स्वतन्त्र पार्टीके प्रतिनिधि,पालिका भिक्तर रहल सामुदायिक तथा संस्थागत विद्यालयके प्रधानाध्यापक लगायत स्थानीय सञ्चारकर्मीके फेन सहभागिता रह।
कार्यक्रमके स्वागत मन्तव्य नगर खेलकुद समितिकके सदस्य भूपेन्द्र शाही धर्म रलह।कार्यक्रमम उपस्थिति हुईलक सक्कु अतिथिहुक्र शुभ दीपावली छठ पर्व तथा नेपाल संवतके अवसरमा शुभकामना आदान -प्रदान कर्ल रलह।
कार्यक्रमम बोल्ती कार्यक्रमके खास पहुना बेलौरी नगरपालिकाके नगर उप प्रमुख जोगराम चौधरी हमार नेपालीहुकनके घरआँगनम अईती रहल शुभ दीपावली छठ पर्व तथा नेपाल संवतके उपलक्ष्यम शुभकामना व्यक्त कर्ती बेलौरी नगरपालिकाहन समग्र विकासके लाग नयाँ सोचके साथ आघ बढ् सेक्लसे समृद्ध बनाई सेक्ना बताईल रलह।
कार्यक्रमम बोल्ती कार्यक्रमके बर्का पहुना बेलौरी नगरपालिकाके नगर प्रमुख पोतिलाल चौधरी शुभ दीपावली छठ पर्व तथा नेपाल संवतके उपलक्ष्यम शुभकामना व्यक्त कर्ती बेलौरी नगरपालिका पालिकाके समग्र खेलकुद विकाशके लाग आवश्यक बजेट विनियोजित कर्ती अईलक बताईल रलह।सरकार फेन पालिकाम अईना बजेट सक्कु क्षेत्रहन सम्यात पर्ना हुईलक ओहरसे खेलकुद क्षेत्रम पर्याप्त बजेट विनियोजित कर्ना नि सेक्गिलक बताईल रलह।सकारात्मक सोचके साथ न्याग सेक्लसे यी क्षेत्रके विकाशके लाग आघ बढाए सेक्ना बताईल रलह।
कार्यक्रमके ओराईल बेर बोल्ती कार्यक्रमके सभापति तथा नगर खेलकुद समितिके अध्यक्ष रामेश्वर न्यौपाने नगर खेलकुद समितिसे आयोजना कर्लक कार्यक्रमके आपन अमूल्य समय देक कार्यक्रमम उपस्थित हुईलक सक्कुजहन धन्यवाद ज्ञापन कर्ती शुभ दीपावली छठ पर्व तथा नेपाल संवतके उपलक्ष्यम शुभकामना ब्यक्त कर्ल रलह। नगर खेलकुद समिति सक्कु खेलकुदके कार्यक्रम करक लाग बजेट अभावके कारण सक्कु खेलहन सम्यात नि सेक्लक बताईल रलह।
कार्यक्रमके सञ्चालन बेलौरी नगर खेलकुद समितिके सदस्य तेज बहादुर चन्द कर्ल रलह।
