नेपाल प्रिमियर लिग(एनपिल) प्रतियोगिता खेल्ना कञ्चनपुरके एक क्रिकेट खेलाडीहन गृह नगरके वडासे अभिनन्दन कर्ल बा।
कृष्णपुर नगरपालिका २नम्बर वडा कानर्यालय क्रिकेट खेलाडी आदित्य महताहन अभिनन्दन कर्लक हो।
शुक्रबार एक कार्यक्रमके विच महताहन दोसल्ला, हजारी फुलके माला सहित वडा कार्यालयम प्रमाण पत्र प्रदान कैक अग्रिम स्वागत एव विदाई कर्ल रलह।
एनपिल प्रतियोगिताम जनकपुर बोल्टसे महता अनुबन्धित हुइल रलह। कृष्णपुर नगरपालिका २ वाणी निवासी महता झत्त समयम क्रिकेटम उच्च स्थान हासिल कर्ल रलह।
कृष्णपुर नगरपालिका २ के वडाध्यक्ष अर्जुन सिह साउद क्रिकेट खेलाडीके उत्साहके लाग वडाके तर्फसे अभिनन्दन कर्लक बटिल।
‘हम्र खेल, खेलाडीहन प्रोत्साहन कर परथ, उ कल, ‘क्रिकेट सहित सक्कु विद्यालयके खेलाडी प्रोत्साहन कर्ना हमार दायित्व हो। वडाध्यक्ष साउद सहितके जनप्रतिनिधी, कर्मचारी महताहन अग्रीम शुभकामना देहल रलह। असिक वडा कार्यालयसे खेलाडी प्रोत्साहनके लाग कर्लक कार्यक्रमसे अप्न प्रभावित हुइलक व यीहिनसे खेलकुद प्रतियोगिताम समेत थप उत्साह जगिलक महताके काहाई बटिन।
